Aposkạmi 11:27 - সান্তালী বাইবেল

²⁷ Onako dinre adom nạbiko do Jerusalem khon Antiokiạteko hecʼena.

Santali Common Language New Testament

²⁷ Onako dinre adom nạbiko do Jerusalem khon Antiokiạteko hecʼena.

Aposkạmi 11:27 Referans Kwoze

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

1 Korinthiko 12:28

Isor do manḍerre pạhilte apostolko, dosarte nạbiko, tesarte cecetʼkoe dohoketʼkoa. Ona tayom noko hoṛkoe bachaoketʼkoa, one okoe do hahaṛa kạmi reakʼ ektiạriko ńamakatʼ, ar okoe do ruạ boge reakʼ daṛe, ar okoe do goṛowako reakʼ daṛe, ar okoe do calao ganao reakʼ daṛe, okoe do pạrsi torjoma reakʼ daṛeko ńamakatʼ, ar onko sanamkoge cetʼ apostol kanako?

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

Aposkạmi 15:32

Jihudạ ar Silạs apnarhõ nạbi kin tahẽkana; onate unkin do aemakin galmaraoatʼkote onḍenko boehakin udgạuketʼkoa ar onkoakʼ pạtiạukin keṭecʼ ocoketʼtakoa.

Aposkạmi 2:17

‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubbiko do kukmũko ńela.

Mathae 23:34

Ona iạte iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kuruskoa. Ar adomko do apeakʼ sunạgogkorepe cạbuktepe dalkoa ar mitʼ nagraha khon eṭakʼ nagrahatepe laga baṛakoa.

1 Korinthiko 14:32

Nạbikoakʼ Jiu do ako apnarakʼ gobolrege tahena.

Aposkạmi 21:9

Uniren do ponea kũạ̃ri kuṛiko tahẽkantaea. Ar onko doko nạbi baṛayetʼ tahẽkana.

Aposkạmi 21:4

Ado onḍenko celale sendra ńamketʼko khan onko sãote eae dinle tahẽyena. Onko do sonot Jiu hotete Pạulko nehõradea jemon Jerusalemte aloe calakʼ.

Luk 11:49

Onate Isor do acʼakʼ akel lekage noa kathae menakada, ‘iń do onko ṭhen nạbiko ar apostolkoń kolkoa. Onko modre adom doko khũnkoa ar adom doko santaokoa.’

Aposkạmi 6:5

Ado dolren sanamkoge noa katha do mońjko metatʼa. Onko do biswạs ar sonot Jiute perecʼ akan Stephanko bachaokedea. Ona chaḍa Philip, Prokhorus, Nikanor, Timon, Parmenas ar Antiokiạren Nikolasko bachaokedea. Nui Nikolas do boṅgan hoṛ jạtrene tahẽkanre hõ Jihudi dhorome pańjayetʼkan tahẽkana.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 11:22

Ado Jerusalem manḍerren hoṛko noa sombatko ańjomketʼ khan onko do Antiokiạte Barnabasko kolkadea.

Aposkạmi 14:26

Ar Attaliạ khon jahajte Siriạ disạm reakʼ Antiokiạte kin ruạṛ hecʼena. Ar oka kạmi ńitkin mucạtʼketʼ ona kạmi lạgitʼge noa Antiokiạ khonge Isorakʼ dayarekin jimạ ocolena.

Aposkạmi 15:22

Unre apostolko, manḍerren murubbiko ar manḍerren eṭakʼ sanam hoṛkoko goṭakeda je, onko do akoren adom hoṛko bachaokate Pạul ar Barnabas sãote Antiokiạteko kolkoa. Onko do Jihudạ ar Silạs tạkinko bachaoketʼkinạ. Nui Jihudạge Barsabako metaekan tahẽkana. Ente biswạsi boehako modre nukin bana hoṛge mukhiyạkin tahẽkana.

Aposkạmi 15:30

Ado Pạul, Barnabas ar unkin hoṛko kolketʼkin khan onko do Antiokiạteko calaoena. Onḍe onko do manḍerren hoṛko mitʼ ṭhenko jarwaketʼkote ona ciṭhiko ematʼkoa.

Aposkạmi 18:22

Ado Kạisạriạ nagrahateye seṭeren khan jahaj khon pheḍkate uni do Jerusalemteye calaoena. Ar onḍe manḍerren hoṛkoe joharatʼko tayom uni do Antiokiạteye senena.

1 Korinthiko 12:10

ar adomko do judạ judạ pạrsite roṛ reakʼ daṛe se judạ judạ pạrsite torjoma reakʼ daṛe ini mitʼ Jiugeye kạmi ocoyeda.

Galathiko lạgitʼ Pạul Apostolakʼ ciṭhi 2:11

Patras do Siriạ Prodes reakʼ Antiokiạteye hecʼen khan, samaṅregeń roṛ daramkedea, ente uni doe behok akatʼ tahẽkana.