Aposkạmi 11:18 - সান্তালী বাইবেল

¹⁸ Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Santali Common Language New Testament

¹⁸ Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Aposkạmi 11:18 Referans Kwoze

2 Korinthiko 7:10

Isor okaṭakʼ duke emokʼ onate do kại khon mon ạcur ruạṛokʼa ar bańcao ńamokʼa, ar dukokʼ reakʼ cetʼge baṅ tahena. Menkhan dhạrti reakʼ duk do manwakoakʼ morone ạguiyeda.

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Jeheskel 36:26

Iń do apere nãwã ontor ar nãwã moniń emapea; ar apeakʼ keṭecʼ moniń sạṅgiń ocoyte lạbitʼ moniń danapea.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Aposkạmi 21:20

Noa kathako ańjomketʼ khan onko murubbiko do Isorko sarhaokedea ar Pạulko metadea, “E boeha, am mam ńeletʼkokange, tinạkʼ hajar hajar Jihudiko do Jisureko pạtiạu akana, ar onko sanamkoge Moseyakʼ ạn-ạri pańja lạgitʼ ạḍiko ahkaokʼ kana.

Aposkạmi 3:26

Ar ape mimitʼko apeakʼ bạṛicʼ hor khon ạcurokʼte bhorape lạgitʼge Isor do ape ṭhen acʼren Guti Jisui kolledea.”

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Galathiko lạgitʼ Pạul Apostolakʼ ciṭhi 1:24

Ar iń iạte onko do Isorko mạhimawadea.

Romiko lạgitʼ Pạul Apostolakʼ ciṭhi 9:30

Enḍekhan noa katha bon mena je, boṅgan hoṛ jạtrenko do Isorakʼ dhorom khudạu bako kurumuṭuletʼre hõ pạtiạu hotetege onko do Isorren dhoromko menteko lekha ocoyena.

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼkana mente. Ar noa khobor ańjomkate sanam biswạsikoge ạḍiko kusiyena.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Aposkạmi 11:1

Boṅgan hoṛ jạtrenko hõ Isorakʼ kathareko pạtiạu akana mente ona katha do apostolko ar goṭa Jihudạren biswạsi boehako hõko ańjomkeda.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Josuạ 22:30

Ruben, Gad ar Manase gusṭiren hoṛko do naeke Phinehas ar Israel manḍerren mukhiyạko, metakʼme Israel bõskoren mathako okaṭakʼko metatʼko onate onko doko kusiyena.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Jeheskel 47:22

Okoe bidisiạko akoren hopon ar hoponerakoante ape talareko girobasokʼ kan onko lạgitʼ ar ape lạgitʼ disạm do sompotti lekatepe hạṭińjoṅa. Onko do disạmreko janam akan Israel menteko lekhakʼa. Ape sãote onko hõ Israel gusṭiko talare sompotti lekate jumi reakʼ hạṭińko ńama.

Mathae 9:8

Ar hoṛko do noa ńelte botor caṛhaoatʼkoa, ar manwa nonkan ektiạriye em akawadete Isor sarhaoeko ehopʼena.