Aposkạmi 11:14 - সান্তালী বাইবেল

¹⁴ Ar uni okako kathae lạiyam, ona kathatege am ar am gharońjren sanam hoṛ kại khon bańcaope ńama.’

Santali Common Language New Testament

¹⁴ Ar uni okako kathae lạiam, ona kathatege am ar am gharońjren sanam hoṛ kại khon bańcaope ńama.’

Aposkạmi 11:14 Referans Kwoze

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 10:6

Uni do harta reakʼe kạmiya. Patras do uni Simonakʼ oṛakʼrege menaea.”

Aposkạmi 10:2

Uni do Jihudi hoṛe baṅkanre hõ Isor bhokti hoṛe tahẽkana ar acʼ gharońjren sanamkoge Isorko sewawae kan tahẽkana. Uni do reṅgecʼ orecʼko ṭaka-poesakoe dan akokan tahẽkana ar Isor ṭhen jaogeye koejoṅkan tahẽkana.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Johan 12:50

Ińiń baḍaea uniyakʼ hukum do jaejug jion kana. Onate okako kathań roṛetʼkan ona do Babawakʼ hukum lekageń roṛeda.”

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Johan 4:53

Ar inạtege gidrạren apattetʼe doe bujhạukeda, ṭhik ona okterege Jisu doe metade tahẽkana, “Amren gidrạ doe bogeyena.” Unre acʼ ar acʼakʼ gharońjren sanamko do Jisureko pạtiạuena.

Luk 19:10

Ente atʼakan ńamko ar bańcaoko lạgitʼge Manwa Hopon doe hecʼakana.”

Mark 16:16

Ar jãhãegeye pạtiạukʼ are bạptis ocokʼ unige kại khon bańcaoe ńama; menkhan okoe bae pạtiạukʼ uni do sạjạiyokʼ lạgitʼe bicạr ocokʼa.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!

Sereńko 112:2

Uniren bõsko do dhạrtire daṛeanko hoyokʼa; ontorre okoeye khạṭige uniren bõsko do bhorko ńama.

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

1 Korinthiko 1:16

Stephan gharońjren hõń bạptis akatʼkogea, menkhan ar jãhãe iń bạptis akatʼko reakʼ do bạń disạyeda.

Aposkạmi 18:8

Sunạgogren mukhiyạ Krispus ar acʼ gharońjren sanamko do Probhu Isorreko pạtiạuena. Ona chaḍa Korinthiko modren ḍher hoṛge Pạulakʼ katha ańjomkateko pạtiạuena arko bạptisena.

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniyakʼ ńutumte kại reakʼ ikạko ńama.”

Johan 6:68

Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge.

Aposkạmi 11:13

Uni do mitʼṭen serma goḍet acʼakʼ oṛakʼre cetʼlekae ńellede onae lạiyatʼlea. Uni serma goḍete metade tahẽkana, ‘Simon, okoe do Patrasko metaekan, uni hoho ạguiye lạgitʼ am do Joppa nagrahate hoṛ kolkom.