Aposkạmi 10:4 - সান্তালী বাইবেল

⁴ Kornelius doe botorente serma goḍet secʼ beṅgetʼkateye menkeda, “ Ma roṛme, E Probhu Isor.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.

Santali Common Language New Testament

⁴ Kornelius doe botorente serma goḍet secʼ beṅgetʼkateye menkeda, “Roṛme, Probhu.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.

Aposkạmi 10:4 Referans Kwoze

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Johan sodor 8:4

Ar uni serma goḍetakʼ ti khon dhup reakʼ dhũạ do Isorren hoṛkoakʼ koejoṅ sãote coṭte Isor samaṅre rakapʼena.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Luk 1:29

Noa katha ańjomkate Mạriạm do monreye ạndukʼ mạndukʼena. Uni do hudisokʼe ehopʼena, noa baṅ cetʼlekan joharkan.

Mathae 26:13

Sạrigeń metapekana, dhạrti reakʼ jãhã jaegarege bhage sombat porcarokʼ, onḍege nui maejiue kạmiakatʼ reakʼ katha hõ disại lạgitʼ lại torakʼa.”

Daniel 10:11

Uniye metadińạ, “E Isorren dulạṛiạ Daniel, iń okaṭakʼ katha lạiyam lạgitʼ ona do mońjte moneyakʼme. Ma beretʼme, ente iń do am ṭheniń kol ocoakana.” Uni noa kathae metadiń khan iń do thar tharaokʼ tulucʼ iń teṅgoyena.

Jesaea 43:26

Amakʼ bisoeko reaṅ disạ ocoyińme; ar dela hijukʼme, dela ona reaṅ laṅ reṭepeṭelenge, am do apnar secʼ katha roṛme jemon dhoromem ṭarhaokʼ.

2 Bõsbudạ 32:24

Onako dinre Hiskiạ do gujukʼ dạkhile ruạyena. Ar Hiskiạ do Probhu Isor ṭhene koeketʼ khan Probhu Isor doe roṛ ruạradea ar mitʼṭecʼ hahaṛa cinhại emadea.

2 Bõsbudạ 6:33

enḍekhan amakʼ tahen ṭhạ̃i khon ańjomtakome. Ar onko okako khoj onage onka akome jemon dhạrtiren sanam hoṛko baḍae daṛeam ar amren Israel hoṛko leka onko hõ amko sewawam arko baḍae daṛeakʼ, iń benaoakʼ niạ oṛakʼ do amakʼ oṛakʼ kangea mente.

1 Samuel 3:10

Ona tayom Probhu Isor do hecʼkate onḍeye teṅgoyena ar eṭakʼ dhao lekageye hohokeda, “Samuel, E Samuel.” Unre Samuele menkeda, “Ma roṛme, amren guti doń ańjometʼgea.”

Aposkạmi 22:10

Adoń menkeda, ‘E Probhu iń do cetʼ iń cekaea?’ “Probhu Isore menkeda, ‘ma beretʼme, ar Damesekte calakʼme. Ar am lạgitʼ oka ṭhik doho akan ona do onḍegem baḍae ocokʼa.’

Luk 24:5

Onate maejiuko do botorteko ombakʼena. Unkin dokin metatʼkoa, “Jiwetʼicʼ do gocʼko talare cedakʼpe ńam baṛayede kana?

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Sereńko 20:3

Amakʼ sanam dãṛẽ reakʼ katha uniyakʼ monre disạ tahentae ma, amakʼ jeredokʼakʼ dãṛẽko uni doe ataṅtam ma.

Aposkạmi 3:4

Unre Patras ar Johan do unikin beṅgetʼ uricʼadea. Ona tayom Patrase menkeda, “Ạliń secʼ beṅgedme.”

Aposkạmi 14:9

Ar uni hõ Pạulakʼ galmaraoe ańjomkan tahẽkana. Unre Pạul do uni secʼ sojheteye beṅgetʼkeda ar boge ocokʼ lạgitʼ biswạs menakʼtaea menteye ńelkede khan ãṭ aṛaṅte hohowateye metadea, “Amakʼ jaṅgate sojhete teṅgonme.” Ar inạtege uni hoṛ doe don beretʼente taṛame dhurạuena.