Aposkạmi 10:38 - সান্তালী বাইবেল

³⁸ Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Santali Common Language New Testament

³⁸ Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 10:38 Referans Kwoze

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Aposkạmi 2:22

“E Israelko, noa katha ańjompe. Nasaretren Jisu hotete Isor do ape talare bhage ar hahaṛa kạmikote ape ṭhene sạbud akada je, uni do Jisui kolledea; ar noa katha do ape hõpe baḍaegea.

Jesaea 11:2

Ar Probhu Isorren Jiu do uni cetanreye tahena, uni do ạkil ar bujren jiu, solha ar jor reakʼ jiu, bud ar Probhu Isor botorae reakʼ jiuge.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Mathae 12:28

Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Luk 3:22

Ar sonot Jiu do parwa leka uni cetanreye pheḍ hecʼena, ar serma khon noa katha ańjomena, “Amge ińren dulạṛiạ Hopon, iń do amreń kusi akana.”

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Johan 10:32

Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼkana?”

Johan 16:32

Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Mathae 9:35

Jisu do nagraha nagraha ar ato ato senkate sunạgogkore cetʼako ar serma raj reakʼ bhage sombat porcarakoe ehopʼena. Ona chaḍa sanam lekan ruạ hasokoe bogeyetʼtako tahẽkana.

2 Bõsbudạ 17:9

Probhu Isorakʼ ạn-ạri reakʼ puthi soṅgekate onko do Jihudạ disạm reakʼ sanam jaegare senkate ona khonko cetʼatʼkoa.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Luk 9:42

Ado tinre koṛa do Jisu ṭhene hijukʼkan tahẽkana unre bạṛicʼ jiu do uniye mocṛao bhinḍạṛkedea. Onate Jisu do bạṛicʼ jiue dhomkaokedea ar koṛae bogekedete eṅgat-apat ṭhene jimạkadea.

Mathae 12:15

Ado ona soṛojontroe baḍaeketʼ khan Jisu do onḍe khone oḍok calaoena. Unre gadel hoṛ do uniko pańja idikedea.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Mark 6:6

Ar hoṛko bako pạtiạuadete uni do ạḍiye hahaṛayena. Ona tayom Jisu do ato ato senkate hoṛko cetʼakoe ehopʼena.

Luk 9:56

Ona tayom onko do eṭakʼ atoteko calaoena.

Aposkạmi 10:37

Ar Johan do hoṛkoakʼ bạptisma ataṅ jạruṛa menteye porcarketʼ khan Gạlil khon ehopʼkate goṭa Jihudạre okako hoylen ona katha mape baḍaege.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

Mathae 9:19

Unre Jisu ar uniren celako do beretʼkate uni soṅgeteko calaoena.