Aposkạmi 10:33 - সান্তালী বাইবেল

³³ Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Santali Common Language New Testament

³³ Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Aposkạmi 10:33 Referans Kwoze

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Galathiko lạgitʼ Pạul Apostolakʼ ciṭhi 4:14

Ińakʼ ruạ iạtepe duklenre hõ bape hirkhạwạdiń tahẽkana, bickom Isorren goḍet se Jisu Mạsi cetʼlekape ataṅ akade onkage iń hõpe ataṅ sãohãledińa.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Mark 10:15

Sạrigeń metapekana, okoe kạticʼ gidrạko leka Isorakʼ raj bae ataṅ, uni do okalekate hõ, Isorakʼ rajre bae bolo daṛeakʼa.”

Mathae 18:4

Onate jãhãege nui kạṭicʼ gidrạ leka acʼteye nindhạnokʼ unige serma rajre sanamko khone maraṅokʼa.

Kạhtukko 25:12

Sona reakʼ pagra se bhage sona reakʼ abhran cetʼleka, onka kangea ạkilan hoṛkoakʼ nisṛạu katha do.

Kạhtukko 1:5

Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Mathae 19:30

Menkhan lahatenko aema doko tayomokʼa, ar tayomtenko doko lahakʼa.”

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Aposkạmi 10:32

Ado ńitokʼ Joppate hoṛ kolkom, ar Simon, okoe do Patrasko metaekan uni hoho ạguyem. Uni do jalapuri aṛere Simon camarakʼ oṛakʼreye ḍera akana.’

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’