Aposkạmi 10:17 - সান্তালী বাইবেল

¹⁷ Patras do okaṭakʼ dorsone ńelketʼ ona reakʼ cetʼ mane hoydaṛekokʼa menteye hudisokʼkan tahẽkanrege, Korneliuse kolakatʼko hoṛ do Simonakʼ oṛakʼ sendra ńamkate duạr ṭhenko teṅgoyena.

Santali Common Language New Testament

¹⁷ Patras do okaṭakʼ dorsone ńelketʼ ona reakʼ cetʼ mane hoedaṛekokʼa menteye hudisokʼkan tahẽkanrege, Korneliuse kolakatʼko hoṛ do Simonakʼ oṛakʼ sendra ńamkate duạr ṭhenko teṅgoyena.

Aposkạmi 10:17 Referans Kwoze

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.

Aposkạmi 25:20

Ar noako babotre cekateń tojbija ona bạń bujhạuletʼte uniń kulikedea, noako dusi reakʼ jemonem bicạrokʼ, onate Jerusalemte calakʼem khaṛagea se baṅ.

Aposkạmi 10:3

Mitʼ din pe baja okte uni do mitʼṭecʼ dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

Aposkạmi 9:43

Ar Patras do Joppare Simon ńutuman mitʼṭen hoṛakʼ oṛakʼre ḍher dine tahẽyena. Ar nui Simon do mitʼṭen camar hoṛe tahẽkana.

Aposkạmi 5:24

Noa katha ańjomkate mundilren maraṅ kạmiạyicʼ ar maraṅ naekeko doko andesaleyena ar cetʼ coṅ hoyokʼa nahakʼ mente hudisokʼko ehopʼena.

Aposkạmi 2:12

Onko do hahaṛa arko tharbasaoente ako akore kupulikʼko ehopʼena, “Noa reakʼ mane do cetʼkana?”

Johan 13:12

Ado joto hoṛe ạbuk sạtketʼko khan Jisu do acʼakʼ oyonakʼ hataokate arhõ duṛupʼenteye metatʼkoa, “Iń cetʼ iń cekaketʼ ona dope bujhạuletʼgea?

Aposkạmi 9:10

Damesek nagrahare Ananiạs ńutuman mitʼṭen celae tahẽkana. Probhu Isor do dorsonte uniye metadea, “Ananiạs.” Adoe menkeda, “Hẽ, Probhu Isor, nõkʼõe minạńgea.”