Aposkạmi 1:8 - সান্তালী বাইবেল

⁸ Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Santali Common Language New Testament

⁸ Menkhan sonot Jiu apereye hecʼlenre ape do daṛepe ńama, ar Jerusalem, goṭa Jihudạ, Samariạre, hẽ, dhạrti reakʼ mucạtʼ simạ hạbicʼge ińren gohakope hoyokʼa.”

Aposkạmi 1:8 Referans Kwoze

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Mark 16:15

Jisui metatʼkoa, “Ape do dhạrti reakʼ sanam jaegate calakʼpe ar sanam hoṛko ṭhen Isorakʼ bhage sombat porcarpe.

Aposkạmi 5:32

Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

Aposkạmi 4:33

Ar apostolko do maraṅ daṛe salakʼ gohako em idiyetʼ tahẽkana je, Probhu Jisu do gocʼko khone jewetʼ beretʼ akana ar sanamko cetanre Isorakʼ maraṅ daya do tahẽkana.

Aposkạmi 6:8

Stephan do Isorakʼ daya ar daṛeteye perecʼente hoṛko talare ạḍi lekan cinhạko ar hahaṛa kạmiko kạmiye ehopʼena.

Romiko lạgitʼ Pạul Apostolakʼ ciṭhi 10:18

Menkhan ińiń mena, Israelko do cetʼ ona katha bako ańjom ńamleda? Khạṭigeko ańjom akada. Sonot sostore meneda, Onkoakʼ aṛaṅ do goṭa dhạrtire ḍamḍahe akana, ar kathako hõ pasnao akana dhạrti reakʼ mucạtʼ hạbicʼge.

Johan 15:27

Ape hõ iń reaṅ gohape ema, ente pạhil khonge ape do iń são sãote menakʼpea.

Luk 10:19

Ńelpe, iń do biń ar kidińko cetanre lebedokʼ reakʼ daṛe, ar aperen bạiri Soetanakʼ sanam lekan daṛe cetanre hõ ektiạriń em akatʼpea. Onate jãhãnakʼtege ohope hạ̃nlena.

Aposkạmi 1:5

Johan do dakʼteye bạptisetʼko tahẽkana, menkhan thoṛa din khange ape do Babawakʼ ona gokʼakʼ lekate sonot Jiutepe bạptis ocokʼa.”

Mathae 24:14

Sanam jạtko ṭhen goha emokʼ lạgitʼ serma raj reakʼ bhage sombat do goṭa dhạrtire porcarokʼa ar ona tayom do mucạtʼ hoyokʼa.

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Aposkạmi 22:15

Am do unirenge goham hoyokʼa ar okam ńelakatʼ arem ańjomakatʼ ona do sanam hoṛko ṭhenem lạiya.

Mikạ 3:8

Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Aposkạmi 13:31

Gạlil khon okoeko uni sãote Jerusalemteko hecʼlen, onko do aema din hạbicʼ uniko ńelledea. Ar onkoge ńitokʼ do aboren hoṛko ṭhen uni reaṅ gohako emeda.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Aposkạmi 3:15

Okoe doe jionren mạlik kan unigepe gocʼkedea, menkhan Isor do gocʼko khon uniye jiwetʼ beretʼakadea; ar ale do onaren gohako kanale.

Jesaea 52:10

Probhu Isor do sanam jạtrenkoakʼ mẽtʼ samaṅre acʼakʼ daṛeanakʼ sonot tiye sodortaea, ar dhạrti reakʼ sanam jaegaren hoṛko do aboren Isorakʼ babańcao reakʼ kạmiko ńela.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Sereńko 98:3

Israel jạtrenko lạgitʼ acʼakʼ asambheṛ dulạṛ ar pạtiạr reakʼ katha uni doe disạ dohoakada; ar aboren Isorakʼ bańcao reakʼ kạmi do goṭa dhạrtiren hoṛko ńelakada.

Luk 24:29

Unre unkin do nehõradetekin metadea, “Ber hõe danaṅena, ar ạyubokʼkana. Am do ạliń tulucʼ tahenme.” Onate uni do unkin tulucʼ tahen lạgitʼ oṛakʼteye boloyena.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.