Aposkạmi 1:24 - সান্তালী বাইবেল

^24-25 Ona tayom onko do noa menkateko koekeda, “E Probhu Isor am do joto hoṛakʼ ontorem baḍaekana. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

Santali Common Language New Testament

^24-25 Ona tayom onko do noa menkateko koekeda, “E Probhu am do joto hoṛakʼ ontorem baḍaea. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

Aposkạmi 1:24 Referans Kwoze

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

Aposkạmi 15:8

Isor do sanam hoṛkoakʼ mone baḍaea. Uni do cetʼleka sonot Jiue danatʼbon tahekan, onkage boṅgan hoṛ jạtrenko hõe danatʼkote gohae emakada je, onko hõ kại khon bańcaoko ńamakada.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Romiko lạgitʼ Pạul Apostolakʼ ciṭhi 8:27

Okoe manwakoakʼ ontore ńeletʼkan uni do sonot Jiuakʼ mon reakʼ katha hõe baḍaea, ente sonot Jiu do Isorakʼ sanalekage Isorren hoṛko lạgitʼe nehõrokʼkana.

Aposkạmi 14:23

Unkin do mitʼke mitʼ manḍerre maraṅ mukhiyạkin bahalketʼkoa ar okoe Probhu Isor cetanreko biswạs akan tahẽkan, koejoṅ ar upạste uni Probhu Isorakʼ tirege manḍerren hoṛkokin jimạkatʼkoa.

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

Sereńko 44:21

enḍekhan Isor do cetʼ ona bae baḍaekan tahẽkana? Uni ma aleakʼ ontor reakʼ jotowakʼge coṅe baḍaege.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Jirimiạ 20:12

E phạdkoren Probhu Isor, am do dhorom hoṛkom biḍạu aṭkaretʼko kana ar mimitʼkoakʼ ontor ar mon reakʼ katham baḍaekana. Ińren bạiriko cetanre onem hala hạliyetʼkan ona baṛe ńel ocoyińme, ente ińakʼ mambla do amgeń baḍae ocoakatʼmea.

Jirimiạ 11:20

E phạdkoren Probhu Isor, dhoromtegem bicạreda, am do mon ar ontor reakʼem biḍạu aṭkareda, onate uni cetanre amakʼ halae reakʼ ńel ocowạńme, ente iń do am ṭhengeń lạlis akada.

Kạhtukko 15:11

Probhu Isor samaṅre Sheol ar Abbadon banarge sodorgea; enḍekhan tinạkʼ artetʼge manwakoakʼ mon do!

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

1 Rapajko 8:39

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome; ar onkoakʼ kạmiko lekate bicạrtakome, ente am do onkoakʼ ontorem baḍaekana.

1 Samuel 14:41

Unre Sạul do Israelkoren Probhu Isore metadea, “Niạ reakʼ roṛ ruạṛaleme baṛe.” Ar unre Sạulren hopon Jonathan cetanre dos do paṛaoena ar sarecʼ hoṛko do chaṛko ńamkeda.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.