Aposkạmi 1:16 - সান্তালী বাইবেল

¹⁶ “E boehako, ḍher din lahare sonot Jiu do Dạud rajakʼ mocate Jihudạ reaṅ oka kathae roṛletʼ, sonot sostor reakʼ ona katha do purạukʼ reakʼ jạruṛ tahẽkana. Ar okoeko Jisuko sapʼlede, onko do uni Jihudạge hore udukʼatʼko tahẽkana.

Santali Common Language New Testament

¹⁶ “E boehako, ḍher din lahare sonot Jiu do Dạud rajakʼ mocate Jihudạ reaṅ oka kathae roṛletʼ, sonot sostor reakʼ ona katha do purạukʼ reakʼ jạruṛ tahẽkana. Ar okoeko Jisuko sapʼlede, onko do uni Jihudạge hore udukʼatʼko tahẽkana.

Aposkạmi 1:16 Referans Kwoze

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Aposkạmi 1:20

Patrase menkeda “Sonot sostorre sereńko reakʼ puthire olakana, uniyakʼ oṛakʼ do ujạṛokʼma; onare okoe hõ aloko tahenma, ar uniyakʼ cetan hudạ do eṭakʼ hoṛe hataoma.

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Mathae 26:54

Sostorre ma coṅ olge menakʼ, noako hoyokʼ do jạruṛgea.”

Mathae 26:47

Jisui roroṛkan tahẽkanrege, ńelpe, Jihudạ do onḍeye hecʼena. Uni do gelbar celako modren mitʼ hoṛe tahẽkana. Uni sãote ạḍi utạr hoṛ do tarwaṛe ar ṭhengawanteko hecʼena. Onko do maraṅ naekeko ar murubbikoko kol akatʼko tahẽkana.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.

Mark 14:43

Jisui roroṛkan tahẽkanrege Jihudạ do onḍeye hecʼena. Uni do gelbar celako modren mitʼ hoṛe tahẽkana. Ar uni sãote ạḍi utạr hoṛ do tarwaṛe ar ṭheṅgawanteko hecʼena. Onko do maraṅ naekeko ar sostor baḍaeko ar murubbikoko kol akatʼko tahẽkana.

2 Patras 2:21

Onko do dhorom jion reakʼ horko baḍaekan tahẽkanre hõ okaṭakʼ sonot hukum ematʼko tahẽkan ona doko bebataoleda. Noa dosare onko lạgitʼ ṭhik hor baṅ baḍaege bickom bhage tahẽkana.

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 23:1

Pạul do maraṅ bạisiren hoṛko secʼ beṅgetʼkateye menkeda, “E ińren boehako, iń do teheń hạbicʼ bhage hudiste Isor samaṅre ińakʼ dạyikiń manao ạguakada.”

Aposkạmi 22:1

“E boehako ar Babako, ńitokʼ iń do apnarteń roṛ dogokʼkana, ańjomtińpe baṛe.”

Aposkạmi 15:7

Ado aemako galmaraoketʼ khan Patras do teṅgoyenteye metatʼkoa, “E boehako, ape mape baḍaege, ḍher din lahare apeko tala khon Isor do ińe bachao akadińạ jemon boṅgan hoṛ jạtrenko hõ ińakʼ moca khon bhage sombat reakʼ katha ańjomkateko pạtiạukʼ.

Aposkạmi 13:38

Onate E ińren boehako, ape do baḍae joṅpe, Jisu hotetege ape ṭhen kại reakʼ ikạ ńam reaṅ jạhirokʼ kana.

Aposkạmi 13:15

Ado sonot sostor reakʼ ạn-ạri ar nạbikoakʼ puthi khon paṛhao sạten khan sunạgogren mukhiyạko do onkoko metatʼkoa, “E boehako, jãhãn sikhạuna katha menakʼtape khan ma roṛpe.”

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Aposkạmi 2:37

Noa katha ańjomkate hoṛko do monre dukko ńamkeda. Onko do Patras ar eṭakʼ apostolkoko kuliketʼkoa, “E boehako, ale do cetʼle cekaea?”

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Johan 19:36

Noa do hoyena sonot sostor reakʼ katha jemon purạukʼ, “Uniyakʼ do mitʼṭen jaṅ hõ baṅ rạpudokʼtaea.”

Johan 10:35

Isorakʼ katha okoe ṭhen hecʼlen onkoge coṅ uni ma Deb menteye metatʼko tahẽkan. Sonot sostor reakʼ katha do cetʼ mạutạ daṛekokʼa? Tis hõ baṅa.

Luk 22:47

Jisu do kathae roroṛkan tahẽkanrege onḍe ạḍi utạr hoṛko hecʼena. Ar Jihudạko metae gelbar celako modren mitʼ hoṛ do onko laha lahateye hijukʼkan tahẽkana. Uni do Jisu ṭhene hecʼ sorena cokʼae lạgitʼ.

2 Samuel 23:2

Probhu Isorren Jiu do iń hotete kathae roṛeda, uniyakʼ katha do ińakʼ luṭire menakʼa.

Aposkạmi 28:25

Pạulakʼ kathate ako talare katha baṅ jurilente onko do onḍe khonko calaoena. Adoko calakʼ lahare Pạule menkeda, “Sonot Jiu do Jesaea nạbi hotete aperen hapṛamko ṭhen ṭhikgeye roṛlakʼa,

Aposkạmi 28:17

Pe din tayom Pạul do onḍenko Jihudiko mukhiyạko mitʼ ṭhene hoho jarwaketʼkoa. Adoko jarwayen khan Pạul do onkoe metatʼkoa, “E ińren boehako, iń do abo jạtrenko se hapṛamkoakʼ cạli upạrte cetʼge bạń ceka akada, enhõ Jerusalemre sapʼ ocokate Romikoakʼ tireń jimạ ocoakana.

Aposkạmi 15:13

Adokin roṛ mucạtʼketʼ khan Jakobe menkeda, “E boehako, ańjompe.

Mathae 26:14

Unre gelbar celako modren Jihudạ Iskạriotko metae cela do maraṅ naekeko ṭhen senkateye metatʼkoa,

Johan 17:12

Iń do tinạkʼ din onko sãoreń tahẽkan unạkʼ din amakʼ oka ńutumem emakawạdiń ona ńutumteń rukhiyạ ạguakatʼkoa. Iń doń horho akatʼkoa ar onko mod khon okoe hõ bako nosṭo akana. Eken okoeyakʼ nosṭokʼ reakʼ katha tahẽkan unigeye nosṭo akana, jemon sonot sostor reakʼ katha purạukʼ.

2 Patras 1:21

ente nạbiko do akoakʼ kusi sana leka jãhãn katha bako roṛakada; onko do sonot Jiu reakʼ ạyurtege Isorakʼ kathako roṛakada.

2 Rapajko 15:12

Probhu Isor do Jihu okae metade tahẽkan, “Amakʼ bõsren pon piṛhi hạbicʼ Israelakʼ siṅghạsonreko duṛupʼa” ar ona do purạuena.