Amos 9:7 - সান্তালী বাইবেল

⁷ Probhu Isore meneda, “E Israelren hoṛko, ape do cetʼ Kusrenko leka dope baṅkana? Iń do cetʼ Misor khon Israelko, Kapthor khon Philisṭiko ar Kir khon Aramrenko bạń ạguakatʼkoa?

Amos 9:7 Referans Kwoze

Jirimiạ 47:4

Philisṭikoren sanamko maraokʼ reakʼ din, Tur ar Sidonren mitʼke mitʼ sarecʼ gokʼṛokoakʼ gocʼ ocokʼ reakʼ din do seṭer akana. Iń Probhu Isorge Philisṭikoakʼ, metakʼme Kaphtor dip khon hecʼakan hoṛkoń maraokoa.

2 Rapajko 16:9

Asurren raj doe rạjiyena ar uni do Dameseke akromonketʼte onae hatkeda. Ar onḍenko hoṛkoe bondi idiketʼkoa ar Resin doe gocʼkedea.

Dosar Biboron 2:23

Kaphtor khon Kaphtoriko hecʼkate Awikoko maraoketʼkote onkoakʼ jaegare girobasokʼko ehopʼena. Ar Awiko do unre Gasa hạbicʼ sanam atoreko girobasokʼkan tahẽkana.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Amos 1:5

Iń do Damesek reakʼ huṛkạṛ koń rạputʼ giḍikakʼa; ar Awen reakʼ lodamre hoṛko ar Beth-Edenre okoeṭakʼ hoṛ do raj ṭheṅgae sapʼakatʼ uni doń marao giḍikaea. Ar Aramren hoṛ do bondikate Kirteko idi ocokʼa.”

Hosea 12:13

Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.

Jirimiạ 13:23

Kus disạmren hoṛ do cetʼ acʼakʼ harta reakʼ roṅ se tạrupʼ do acʼakʼ ṭiklạkʼ ṭiklạkʼ dage pherao daṛeataea? Amhõ onkage bhage kạmi do bam daṛeakʼa, ente bạṛicʼakʼ kạmikoregem lobdhao akana.

Jesaea 22:6

Elamrenko do sar ṭhoṅgako gugukeda; rãt gạḍi ar aswarikoantege. Ar Kirrenko do ḍhalanteko sapṛao akana.

Jesaea 20:4

onkage Ạsurren raj do Misor lajao ocoye lạgitʼ Misorren ar Kusren bondi akan koṛakoge cetʼ ar haṛamkoge cetʼ jotoge koṭo ar eken jaṅga ar oṭakʼ dhaṛakateye idikoa.

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Jesaea 43:3

ente ińkangeạń amren Probhu, amren babańcaoicʼ Isor, ar Israelren uni sonoticʼ. Iń do amakʼ chaḍao reakʼ dam lekate Misor disạmiń emokʼkana, ar am bodolte do Kus ar Seba disạmge.

2 Bõsbudạ 14:9

Tayomte Kus disạmren Seraho do gel lakh lạṛhại phạdko ar pe sae rãt gạḍiwante Jihudạren hoṛko upạrteye oḍok hecʼente Maresa hạbicʼe laha hecʼena.

2 Bõsbudạ 14:12

Unre Asa ar Jihudạren hoṛko samaṅ khon Probhu Isor do Kusrenkoe ńẽtʼketʼkoa. Onate Kusren hoṛko doko dạṛkeda.