Amos 9:15 - সান্তালী বাইবেল

¹⁵ Israelko do akoakʼ disạmre dare lekań rohoekoa; okaṭakʼ disạmiń em akawatʼko onḍe khon onko do ar tishõ bako or totʼ giḍi ocokʼa.” Noa katha do aperen Probhu Isorgeye meneda.

Amos 9:15 Referans Kwoze

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Jeheskel 34:28

Onko do jạt jạtkoren luluṭ jinis do ar bako hoyokʼa, bir janwarko ṭhen hõ bako jom ocokʼa. Onko do khạtirjomako tahena ar celege bako botor ocokoa.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Joel 3:20

Lahate noko do dusi menteń lekhaletʼkoa, menkhan ńitokʼ do onkoakʼ doskoń ikạkatakoa. Ar hoṛko do Jihudạre jaejugko girobasokʼa ar Jerusalemre do piṛhike piṛhi hạbicʼge, ar iń Probhu Isorge Sionreń tahena.”

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Sereńko 80:8

Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.

Jirimiạ 3:18

Un jokhecʼ Jihudạren hoṛ do Israelren hoṛko sãoteko seledokʼa ar okaṭakʼ disạm ạidạri menkate aperen hapṛamkoń ematʼko tahẽkan ona disạmre mitʼdomte utạr secʼ khonko ruạṛ hijukʼa.’

Jirimiạ 23:8

bickomko mena, ‘okoe do Israelko utạr ar eṭakʼ disạmteye sạṅgińletʼko ar onḍe khone ạguketʼko uni jiwetʼ Probhu Isor ńutumte kiriạkateń meneda.’ Onate onko do akoakʼ disạmreko girobasokʼa.”

Jirimiạ 32:15

ente noa disạmre oṛakʼ-duạr, jaega-jumi ar darkha bagwan do arhõ kiriń ạkhrińokʼa. Iń Israelren Isor phạdkoren Probhuge noa katha doń meneda.’

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jirimiạ 33:7

Iń do Jihudạ ar Israelren hoṛko bondi dosa khoniń ruạṛ ạgukoa ar onkoakʼ disạm do arhõ lahate lekań benao ruạṛa.

Jirimiạ 16:15

bickomko mena, ‘utạr disạm ar eṭakʼ disạmkore okoe do Israelkoe sạṅgińletʼko ar onḍe khone oḍok ạguakatʼko uni jiwetʼ Probhu Isor ńutumtele kiriạkʼ kana.’ Onko do ona kathako mena, ente onkoren hapṛamko okaṭakʼ disạmiń udukʼatʼko tahẽkan ona disạmtegeń ruạṛ ạgukoa.