Amos 9:11 - সান্তালী বাইবেল

¹¹ Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Amos 9:11 Referans Kwoze

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Sereńko 80:12

Cedakʼ ona rurukhiyạ pạcri dom rạputʼ giḍikada, horte sen paromokʼkan sanamkoge coṅ ona reakʼmako gotʼetʼ tahẽkan?

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Jeheskel 36:11

Apere manwa ar janwarkoakʼ lekha hõń ḍher ocoya ar onko doko bạḍ idikʼa ar lekhareko ḍherokʼa. Ar apere lahate lekage hoṛkoń girobas ocokoa ar laha khon hõ ḍher gidrạkoń hoyocokotapea. Unrepe baḍae daṛeakʼa, ińkangeạń Probhu Isor do.

Jeheskel 17:24

Onate ṭạnḍi reakʼ sanam darekoko baḍae daṛeakʼa, iń Probhu Isorge usul dare doń pheḍle ocoya ar pheḍle dare doń usula. Ińge hạriạṛ darekoń rohoṛ ocoya ar rohoṛ dare doń jiwetʼ ocoya. “Iń Probhu Isorge noa katha doń meneda ar iń do onań onkaea.”

Rak̕joṅ 5:21

E Probhu Isor, bam nihạ̃t giḍi akatʼle khan, ale cetanre bam bekusi akan khan, enḍekhan am ṭhen baṛe ruạṛ idilem adole ruạṛ hijukʼa; ar sedae leka aleakʼ dinko baṛe ruạṛ kataleme.

Jirimiạ 46:26

Okoe onkoakʼ jiwiko sendara kan Babelren raj Nebukadnesar ar uniren lạṛhại phạdkoakʼ tire onkoń jimạkoa. Ona tayom do Misorre arhõ lahate leka hoṛko girobasokʼa. Iń Probhu Isorge noa katha doń meneda.”

Jesaea 5:5

Ińakʼ darkha bagwan cetanre okań cekae ona do ńitokʼ iń lạiyapea: iń do ona reakʼ eṭetʼakʼ iń ocoga onate bagwan doko jom ṭhuṭkuya; ar ona reakʼ pạcriń rạputʼ giḍikakʼa onate ona doko lebetʼ gańjaoa.

Jobakʼ 1:10

Am do cetʼ uni beṛhaete ar uniyakʼ oṛakʼ ar okako menakʼtae ona beṛhaete cetʼ bam esetʼ ạcurakadea? Am do unim bhor akawadea, onate uniren ạsul janwarkote disạm do perecʼ akana.

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Jirimiạ 30:9

Ona bodolte onko do akoren Probhu Isor ar akoren raj Dạudren mitʼṭen hoponko sapʼsoraea one iń do onkoren rajiń hoeocoye.

Sereńko 143:5

Iń do sedae reakʼ kathań disạyeda, ar amakʼ sanam kạmiko reaṅiń ganḍonjoṅ kana; amakʼ ti okaṭakʼe cekayetʼ ona reakʼgeń hudiseda.

Sereńko 89:40

Uniyakʼ rurukhiyạ bhit dom rạputʼ giḍiakada; ar ona reakʼ sanam gaṛ dom marao akada.

Numeri 24:18

Bạiriko do Edom, metakʼme Seyirko dokhol joṅa, menkhan Israelko do birbanṭa hoṛ leka ektiạriko hameṭ joṅa.

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Jirimiạ 18:9

Ar jãhãtis jãhã jạtrenko se jãhã rajosṭiń benao ruạṛ ar rohoe reakʼ kathań lại jạhir lekhan ar onko jạtrenko do ińakʼ mẽtʼre bạṛicʼakʼko kạmi ar ińakʼ kathako bako ańjom, enḍekhan onko oka bhạlạiko reakʼ iń hudisletʼ ona bhạlại iạteń kastaokʼa.’

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

Mikạ 7:11

E Jerusalem, unre amakʼ bhit do benao arokʼtama, ar amakʼ simạnako do baṛhao ocokʼa.

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Sakariạ 12:7

“Iń Probhu Isorge pạhilre Jihudạ reakʼ tahen ṭhạ̃ikoń bańcaoa jemon Dạudakʼ bõsren ar Jerusalemren hoṛkoakʼ manot do Jihudạren eṭakʼ eṭakʼ hoṛko khon ḍher baṅ hoyokʼ.

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.