Amos 9:10 - সান্তালী বাইবেল

¹⁰ Ińren sanam kại hoṛko modre okoeko men, ‘muhin do bae tiyokʼlea se ale ṭhen baṅ hijukʼa,’ onko sanamge tarwaṛeteko gujukʼa.”

Amos 9:10 Referans Kwoze

Amos 6:3

Ape dope hudisetʼkana, muhin reakʼ din dope sạṅgiń giḍiakada, menkhan ape do jobor jạsti reakʼ rajosṭipe calaoeda.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Malaki 3:15

Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jesaea 56:12

Onkoko meneda, “Dela hijukʼpe, darkha rasa bo ạgujoṅa; dela, bubulakʼkote bon ńũ turedokʼa. Teheń khon gapa do arhõ mońj hoyokʼa.”

Jesaea 5:19

Onkoko mena, “Isor doe usạrae ma; uni do acʼakʼ kạmi usạrateye kạmima jemon onale ńel. Israelren uni sonoticʼakʼ goṭawakʼ baṛeye purạukʼtae jemon onale baḍae daṛeakʼa.”

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Jeheskel 20:38

Ape modre okoe iń upạrteko hul onko doń sạṅgiń giḍikakoa. Ar onko okaṭakʼ disạmreko girobasokʼkan onḍe khoniń oḍok ạgukorehõ onko do Israel disạmre bako bolo daṛeakʼa. Unre apepe baḍae daṛeakʼa, iń kangeạń Probhu Isor do.

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Amos 9:8

Ińakʼ mẽtʼ do khạṭige niạ ghạṭte perecʼ rajosṭi cetanre menakʼa. Dhạrti khon iń do onań marao giḍikakʼa; enhõ Jakobakʼ bõs do purạte bạń marao utạra.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jirimiạ 29:32

Iń do khạṭige Nehelamren Semaya ar uni bõsrenkoń sạjạikoa. Noko jạtrenko modre uniren do celege bako tahena ar ińren hoṛko okań bhạlạiko ona do bae ńela, ente uni do iń upạrteye hul akada. Iń Probhu Isorge noa katha doń meneda.’ ”

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”