Amos 9:1 - সান্তালী বাইবেল

¹ Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.

Amos 9:1 Referans Kwoze

Sereńko 68:21

Isor do begor digdhạtege acʼren bạirikoakʼ bohokʼe gejertakoa; ar okoe kạireko jobe akae menakʼko onkoakʼ bohokʼ reakʼ khạpri hõ uni doe gejertakoa.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Habakkuk 3:13

Amren hoṛko bańcaoko lạgitʼ ar amren ojokʼicʼ hoṛ rukhiyạye lạgitʼ am dom oḍok hecʼena. Am do dusṭạmi disạmren mukhiyạm ghạlkedea, ar uniyakʼ disạm do purạtem marao utạrketʼtaea. [Sela]

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.

Jesaea 6:1

Oka bochor Usiạ raje gocʼen un bochor iń doń ńelkeda Probhu Isor do ạḍi usul reakʼ mitʼṭecʼ siṅghạsonreye duṛupʼ akana. Ar uniyakʼ raj kicricʼ reakʼ latar secʼakʼ hĩste mundil doe perecʼ akada.

Johan 1:32

Ona tayom Johan do noa gohae emkeda, “Iń do serma khon sonot Jiu parwa leka pheḍ hijukʼte uni cetanre apʼakaniń ńelkedea.

Sephaniạ 2:14

Onḍe do ḍaṅgra ar bhiḍi palko ar sanam jạtren jiwiyanko basakʼa. Hahaṅkarren kokor ar dundu do ona reakʼ khunṭi chatnakoreko basakʼa, ar jalna secʼte onkoakʼ rakʼ do ańjomokʼa. Oṛakʼ duạr do marao utạrokʼa ar onako reakʼ debdạru dare reakʼ tokta do luṭ idikʼa.

Jeheskel 10:4

Un jokhecʼ Probhu Isorakʼ ṭhonok do Kerubko khon rakapʼkate mundil reakʼ duạr ganaḍe secʼ senena. Ar mundil oṛakʼ do rimilte perecʼena, unre Probhu Isorakʼ ṭhonok reakʼ marsalte raca do perecʼena.

Jeheskel 9:2

Unre utạr secʼ reakʼ cetan ṭhạ̃i reakʼ phaṭok duạr secʼ khon turui hoṛ hijukʼkan iń ńelketʼkoa; onko mimitʼkoakʼ tire do maraokʼ reakʼ khanḍa bhanḍako tahẽkana. Onko sãote mĩhĩ musnạ kicricʼ horokʼ akatʼ mitʼṭen hoṛe tahẽkana ar uniyakʼ ḍanḍare do olokʼicʼakʼ doat kạli hõ tahẽkana. Onko do bhitrite bolokate pitạl reakʼ pinḍ ṭhenko teṅgoyena.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Jirimiạ 48:44

Okoe toras khone dạṛjoṅ uni do ghaḍlakʼreye ńurokʼa, ar okoe ghaḍlakʼ khone rakapʼ hijukʼ uni do jhãmpareye sabokʼa; ente iń do Moab reakʼ sạjạiyiń ṭhik dohoakada. Iń Probhu Isorge noa katha doń meneda.

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

2 Bõsbudạ 18:18

Mikạ do roroṛe ehopʼena, “Enḍekhan Probhu Isorakʼ katha ańjompe. Iń doń ńelkeda Probhu Isor do acʼakʼ siṅghạsonreye duṛupʼ akana ar uniyakʼ jojomsa ar leṅgasa aṛere do sermaren sanam goḍetko menakʼkoa.

Aposkạmi 26:13

Menkhan E maharaj, unre tikin okte tahẽkana. Ar horre siń cando khon hõ bạ̃ṛti jhakjhak mitʼṭecʼ marsal serma khon iń ar iń sãotenko beṛhaete bamberena.

Johan sodor 8:3

Inạ tayom ar mitʼṭen serma goḍet hecʼkate pinḍ samaṅreye teṅgoyena. Uniyakʼ tire do sona reakʼ mitʼṭecʼ dhup dạni tahẽkana. Uni do ạḍi utạr dhupko emadea jemon siṅghạson samaṅre sona reakʼ pinḍre Isorren sanam hoṛkoakʼ koejoṅ sãote ona dhup jeretʼkateye samaṅ daṛeakʼ.

Sereńko 68:22

Probhu Isore menkeda, “Iń do Bashan disạm khon onkoń ạgukoa; jalapuri reakʼ khạndriyakʼko khoniń rakapʼ ruạṛkoa,

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 42:16

enḍekhan okaṭakʼ lạṛhạipe botorakʼ kan ona do ape tayomtege Misorteye pańja idipea ar ape do onḍegepe gujukʼa.

Jeheskel 15:7

Iń do onko upạrteń teṅgona. Ar seṅgel khonko oḍoklenre hõ onko do seṅgelgeye jomkoa. Iń do tinre onko upạrteń teṅgona unrepe baḍae daṛeakʼa, iń kangeạń Probhu Isor do.

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Sephaniạ 1:12

Unre iń do diuheante Jerusalem reakʼ sanam ṭhạ̃ire khojiń hataoa ar okoe do apnartetʼ tirpit akae tahenteye men, ‘Probhu Isor do bhage bạṛicʼ cetʼge bae cekaea,’ onko doń sạjạikoa.

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”