Amos 8:8 - সান্তালী বাইবেল

⁸ Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Amos 8:8 Referans Kwoze

Amos 9:5

Phạdkoren Probhu Isor do dhạrtiye joṭetʼ lekhan ona do le cabakʼa ar onare girobasokʼ kan sanamgeko homor halaṅa. Uniyakʼ joṭetʼte goṭa dhạrtige Misor reakʼ nil gaḍa dakʼ leka se rakabokʼa ar ona tayom do pheḍ calakʼa.

Hosea 4:3

Ona iạte disạm doe homor halaṅeda ar okoe uni talareko tahen kan onko doko marao utạrokʼ kana ar janwarko, cẽṛẽko ar hako hõko gocʼ cabakʼ kana.

Jirimiạ 46:8

Misor do nil gaḍa leka, ar gaḍa dakʼko dundunạukʼ lekageye rakapʼ hijukʼ kana. Uni doe meneda, ‘iń doń rakapʼa ar dhạrtiń ḍubạ eseda; ar nagrahako ar onaren hoṛkoń marao cabakoa.’

Sereńko 18:7

Unre dhạrti do daldalaoena ar ḍikạ ḍakekʼ ehopʼena, ar buru reakʼ rehetʼko do dalmalaoena; uniyakʼ edrete onako do dal dalaoena.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko do dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 46:7

“Okoe kanae uni do, one nil gaḍa leka, gaḍa dakʼko lekae dundunạu hijukʼkan?

Jirimiạ 51:29

Disạm do daldalaokʼ kana ar mocṛa mucṛikʼ kana, ente Babel do ujạṛokʼakʼ hoeocoy lạgitʼ Probhu Isorakʼ oka goṭawakʼ ona do ṭhik dohoakana.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.