Amos 8:6 - সান্তালী বাইবেল

⁶ rupạte reṅgecʼ hoṛle kirińkoa ar mitʼ joṛa panahete laṅgaṭkole kirińkoa ar jokʼ giḍiyakʼ guhum do onko ṭhenle ạkhrińa.”

Amos 8:6 Referans Kwoze

Amos 2:6

Probhu Isore meneda, “Israelakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea. Uniren hoṛ do ṭaka poesa lạgitʼ dhorom hoṛko ar jaṅga reakʼ mitʼ joṛa panahe lạgitʼ reṅgecʼ hoṛko ạkhriń akatʼkoa.

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Joel 3:6

Jihudạ ar Jerusalemren hoṛko do akoakʼ disạm khon sạṅgiń giḍikako lạgitʼ Junạniko ṭhenpe ạkhrińletʼkoa.

Joel 3:3

Onko do ińren hoṛko hạṭińko reakʼko gulibãṭleda ar kusumbi ńamko lạgitʼ Israelren hoponkoko ạkhrińletʼkoa; ar darkha rasa lạgitʼ hõ Israelren hoponerako ạkhrińletʼkoa jemon darkha rasako ńũ daṛeakʼ.

Nehemiạ 5:8

Ińiń menkeda, “Be-Jihudiko ṭhen okoeko boehako ạkhrińlen tabon onko do daṛeakʼ bhor bon chaḍao ạgu akatʼkoa.” Ar ńitokʼ do aperen boehako ạkhrińokʼpe jormoṭetʼkoa, onate onko do arhõ kiriń ruạṛ lagao abona.” Niạ katha ańjomkate onko do hapegeko tahẽyena, ente roṛ ruạṛ reakʼ cetʼge baṅ tahẽkantakoa.

Amos 3:9

Ape do Asdod ar Misor reakʼ sanam gaṛren hoṛko ṭhen roṛpe, “Ar Samariạ reakʼ buruko cetanre jarwakʼpe; ńelpe, ona talare tinạkʼ gulmal hoyokʼkana! Uniren hoṛko talare tinạkʼ santao hoyokʼkana!”

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Sakariạ 5:6

Iń doń kulikedea, “Ona do cetʼkana?” Uni doe roṛ ruạṛạdińa, “Ona do mitʼṭecʼ sosoṅakʼ bhajan kana.” Uni do arhõe menkeda, “Ona do okoe goṭa dhạrtiko behoketʼkan onkoakʼ rup kana.”