Amos 8:14 - সান্তালী বাইবেল

¹⁴ Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”

Amos 8:14 Referans Kwoze

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Dosar Biboron 9:21

Apeakʼ ona kại reakʼ jinisko, metakʼme aperen benaoicʼ uni mĩhũ hataokate seṅgelreń khadlekadea. Ar ona tayom doń koṭecʼ gejerkedete dhuṛi lekań lopotʼ lopotʼkeda ar buru khon ạtu pheḍokʼkan dakʼreń giḍikada.

Aposkạmi 24:14

Iń do noa katha am ṭheniń aṅgoceda je, Jisu Mạsiyakʼ hor, okaṭakʼ do onko dhorom birudko metakʼkan, iń do ona horrege ińren hapṛamkoren Isoriń sewawae kana. Moseyakʼ ạn-ạri sãote okaṭakʼ juri menakʼ onare ar nạbikoakʼ olakʼre hõń pạtiạukʼ kana.

Aposkạmi 19:23

Ona jokhecʼ Jisuakʼ hortetʼ babotre ạḍi gulmal ehopʼena.

Aposkạmi 19:9

Menkhan onko modren adomkoakʼ mon do goṛdhoge tahẽkante bako pạtiạulena ar sanamko samaṅre Jisuakʼ hor reaṅ ạḍi leka opomanko ehopʼena. Unre Pạul do onko bạgiyatʼkoteye calaoena. Uni do celakoe soṅgeketʼkote Turanus ńutuman mitʼṭecʼ iskulre senkate dinạm hilokʼe lại bujhạuako kan tahẽkana.

Aposkạmi 18:25

Uni do Probhu Isorakʼ hor reaṅ sikhnạte ńam akatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼako kan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Amos 5:2

“Kũạri kuṛi Israel doe gurena, ar tishõ bae beretʼ daṛeakʼa; uni do acʼakʼ ot reye giḍi ocoakana, ar uni berede lekan do celege bạnukʼkoa.”

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Hosea 13:2

Ńitokʼ uniren hoṛko do arhõ ḍherko kại akada; akoakʼ rupạte onko do ako lạgitʼ dul boṅga muṭhạn, metakʼme gạkhuṛ tite boṅgako benao akadea; ar onako do jotoge kạrigolkoakʼ kạmikana. Nui boṅga reaṅ onkoko mena, “Okoe dãṛẽko samaṅetʼkan onko do mĩhũren boṅgako cokʼae ma.”

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Jirimiạ 51:64

Ona tayomem mena, ‘Nonkage Babel hõ unumokʼa, ar baṅ rakapʼa, ente Probhu Isor do ona cetanre muhine ạguiya. Uni doe marao utạrokʼa.’ ” Jirimiạ reakʼ katha do nonḍege mucạtʼena.

Jirimiạ 25:27

Ona tayom Probhu Isor do ińe metadińa, “Onkom metakoa, Israelkoren Isor phạdkoren Probhui meneda, ‘ape talare iń do lạṛhạiyiń koleda; ape do ińakʼ edreteakʼ bạṭi khon ńũiype, bul bhuteṛokʼpe, bejpe, sombodokʼpe ar alope beretʼa.’

Jesaea 43:17

Uni do rãt gạḍiko ar daṛean lạṛhại phạdkoe oḍok ạguletʼkoa. Onko do mitʼ domte onḍeko khadlelena, ar baṅgeko rakapʼ daṛeada. Onko do diuhe lekako ĩṛĩcʼena.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sereńko 140:10

Onko cetanre jolokʼkan aṅgrage baṛe ńurakoma; ar seṅgelre, khạndri ghaḍlakʼre onko doko khadle giḍi ocokʼma; jemon tishõ onḍe khon aloko rakapʼ daṛeakʼ.

Sereńko 36:12

Okoe bạṛicʼakʼko kạmikan ńelme onko doko ńurhạ akana; onko doko giḍi ocoakana, ar bako beretʼ ruạṛ daṛeakʼa.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

2 Rapajko 10:29

Menkhan Nabatren hopon Jerobiam Israelko okae kại ocoyetʼko tahẽkan ona khon uni do bae ruạṛ hecʼlena. Ona do hoyokʼkana Bethel ar Danre sonaren mĩhũ sewawạkin reakʼ.

1 Rapajko 16:24

Uni do eaegel irạl keji rupạte Semer ṭhen khon Samariạ buruye kirińkeda ar buru coṭre mitʼṭecʼ nagrahae benaokeda ar bururen lahaten mạlik Semerakʼ ńutum lekage nagraha reakʼ ńutume dohokeda.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 12:32

Jihudạ ṭoṭha talare oka porob hoyokʼkan tahẽkan ona porob leka irạlakʼ cando reakʼ gel mõṛẽakʼ din hilokʼre uni do Bethelre hõ mitʼṭecʼ porob reakʼe bebostakeda ar acʼe benao akade mĩhũ ńutumte pinḍ cetanre janware samaṅkedea. Uni do Bethel reakʼ usul than boṭkocʼkore hõ acʼ benaoakʼ mundilre naekekoe bahalketʼkoa.

Dosar Biboron 33:11

E Probhu Isor, am do uniyakʼ sompotti baṛe bhorakʼtaeme, ar uniyakʼ sanamakʼ kạmire kusikʼme. Uniren bạirikoakʼ ḍanḍa baṛe rạpudtakome, ar okoe uniko hirkhạwae onkoakʼ ḍanḍa hõ rạpudtakome, jemon aloko teṅgo ruạṛ daṛeakʼ.”

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

Amos 5:1

E Israelren hoṛko, ape reaṅ iń homor halaṅetʼkan ona baṛe ańjompe.