Amos 8:13 - সান্তালী বাইবেল

¹³ Enhilokʼ ńelokʼte mońj juạn kuṛiko ar daṛean juạn koṛako do ona katha lạgitʼ tetaṅteko loraokʼa.

Amos 8:13 Referans Kwoze

Hosea 2:3

Ar baṅkhan uni doń uluṅea ar acʼakʼ janam hilokʼ cetʼlekae tahẽkan onkageń hoeocoyea. Uni do hahaṅkar jaega, ar khaṅgoṭ jumi lekań hoeocoyea ar dakʼ tetaṅteń gocʼ ocoyea.

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Jirimiạ 48:18

Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Jesaea 40:30

Juạnko hõ laṅga arko thakao cabakʼ kana ar juạn koṛako hõ laṅgateko gujukʼ kana,

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Dosar Biboron 32:25

Onkoren hopon ar hoponerako do nagraha bahrere tarwaṛe reakʼ hạnteko gujukʼa, ar oṛakʼ bhitrire botorteko udạsokʼa. Onkoren juạn koṛa ar kuṛiko, kạṭicʼ gidrạko ar haṛam buḍhiko doko marao utạrokʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Hosea 2:5

Onkoren eṅgattetʼ doe laṭghaṭ akada ar okoe uniyakʼ kukhireye hoyakan uni do lajao paṛaoakʼgeye kạmi akada. Uniye menkeda, ‘ińren dulạṛiạkoń pańjakoa; onkoge ińakʼ jomakʼ ar ńũiyakʼ, bhiḍi upʼ, mĩhĩ musnạ jạ̃ṛĩ sutạm, sunum ar ńũńũakʼko emạńkana.’