Amos 7:7 - সান্তালী বাইবেল

⁷ Ona tayom Probhu Isor do ar mitʼṭecʼ dorsone ńel ocokedińa. Uni do sạhul baber hataokate sạhul baber jokhate benaoakʼ mitʼṭecʼ bhit aṛereye teṅgo akan tahẽkana.

Amos 7:7 Referans Kwoze

2 Rapajko 21:13

Samariạ upạrte okaṭakʼ sosoṅakʼ baber ar Ahabakʼ bõsko upạrte okaṭakʼ sạhul baberiń beoharletʼ onage iń do Jerusalem upạrteń beohara. Cetʼ leka thạri bạṭiko gasao mańjao onkage iń do Jerusalemiń mańjao saphaea ar hạrupʼkateń dohokakʼa.

Johan sodor 21:15

Ar okoe iń tulucʼ kathae roroṛkan tahẽkan uniyakʼ tire do mitʼṭecʼ sona reakʼ jokhawakʼ chuci tahẽkana, jemon uni do ona nagraha reakʼ duạrko ar ona reakʼ pạcriye jokha daṛeakʼ.

Johan sodor 11:1

Ona tayom sosoṅ ṭheṅga lekanakʼ mitʼṭecʼ chuchi ṭheṅga em ocokateń men ocoyena, “Mundil ar pinḍ soṅme ar okoeko onḍe Isorko sewawae kan onko hõ lekhakom.

Jeheskel 40:3

Uni do onḍe ińe idikedińa ar iń do mitʼṭen manwań ńelkedea one uniyakʼ hoṛmo do tama leka jhak jhakaokʼkan tahẽkantae. Uniyakʼ ti re do musnạ reakʼ baber ar jokha reakʼ ḍaṅ tahẽkana ar uni do phaṭok duạr ṭhene teṅgo akan tahẽkana.

Rak̕joṅ 2:8

Probhu Isor do jarkhar lạgitʼe mone muruk akada Sion hoponerawakʼ beṛhaeteakʼ pạcriko. Uni do sosoṅakʼ baberteye soṅakada mohor mekʼṭao khon acʼakʼ ti do bae or ruạṛtaea. Uni do Sion reakʼ aotan gaṛ ar pạcriye hińjrạu ocoakada; onako do mitʼ domte nijor akana.

Jesaea 34:11

Pajhaṛ ar jhĩk do onako dokhola, Dundu ar kạhũko do onḍeko ḍerakʼa. Probhu Isor do ạlmạl reakʼ jokha babere tija ar onaren napṛakʼko upạrte gulmal reakʼ sạhul babere pheḍa.

Jesaea 28:17

Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Amos 7:6

Unre Probhu Isor do ona ńutumte kastaoenteye menkeda, “Onka do ar baṅ hoyokʼa.”

Amos 7:8

Uni doe metadińạ, “Amos, cetʼem ńeleda?” Ińiń roṛ ruạṛadea, “Mitʼṭecʼ sạhul baber.” Unre Probhu Isore menkeda, “Ińren hoṛ Israelko talare iń do mitʼṭecʼ sạhul baber iń dohoyeda; onko do ar bạń dayawakoa.

Sakariạ 4:10

Nunạkʼ din oka kạmi hoyakan ona do hoṛko nihạ̃t giḍi akada. Menkhan Serubabelakʼ tire sạhul baber ńelte hoṛ doko rạskạkʼa.” Ona tayom iń ańjomkeda, “Niạ eae goṭecʼ diuhe do hoyokʼkana Probhu Isorakʼ mẽtʼ oka do goṭa dhạrtiye ńeletʼkan.”