Amos 7:15 - সান্তালী বাইবেল

¹⁵ Menkhan Probhu Isor do bhiḍi merom gukʼpi khone hoho ạgukedińteye metadińạ, ‘am do senkate ińren Israelko ṭhen nạbi lekate katha roṛme.’

Amos 7:15 Referans Kwoze

2 Samuel 7:8

“Ńitokʼ ińren guti Dạud metaeme, sanam daṛeanicʼ Probhu Isor do niạ kathae meneda, ‘ińren hoṛ do Israelkoren cakʼlaoyicʼ hoyokʼ lạgitʼ ińge gupi ṭạnḍi khon, bhiḍi palrenko tayom khoniń ạgu akatʼmea.

Mathae 9:9

Jisu onḍe khone calakʼkan tahẽkan jokhecʼ Mathaeko metae mitʼ hoṛ do mạsul uṭhạu reakʼ oṛakʼre duṛupʼ akane ńelkedea. Jisu do uniye metadea, “Dela ińren cela hoyokʼme.” Ar unrege Mathae doe beretʼente Jisui pańjakedea.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Aposkạmi 5:20

“Do calakʼpe, ar mundilre teṅgokate disạm hoṛko ṭhen jaejug jion reakʼ katha lại jạhirpe.”

Aposkạmi 4:20

Ạliń do okaliń ńelakatʼ arliń ańjomakatʼ ona begor lạite do ohoge liń tahẽdaṛelena.”

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

1 Samuel 10:11

Okoe laha khon Sạulko oprom akade tahẽkan onko do nạbiko sãote Isorakʼ katha roroṛko ńelkede khan apan ạpin memenko ehopʼena, “Kisren hoponakʼ do cetʼ hoyakana? Sạul hõ cetʼ enḍekhan nạbiko modren mitʼ hoṛ kanae?”

Jirimiạ 26:12

Unre Jirimiạ do sanam hoṛko ar rajkạmiyạkoe metatʼkoa, “Ape do niạ oṛakʼ ar nagraha upạrte okape ańjomketʼ ona lạlại lạgitʼge Probhu Isor do ińe kol akadińa.

1 Rapajko 19:19

Tayomte Eliạ do onḍe khone oḍok calaoente Saphatren hopon Elisa sãoteye ńapamena. Uni do gelbar joṛa ḍaṅgrawante jumiye cacas kan tahẽkana ar uni do siyokʼ jokhecʼ tayom utạrakʼ nahelreye tahẽkana. Ar Eliạ do uni ṭhen senkate acʼakʼ oyonakʼ bocʼkate uniye lade oṭoadea.

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?