Amos 7:10 - সান্তালী বাইবেল

¹⁰ Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Amos 7:10 Referans Kwoze

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Mathae 21:23

Jisu do arhõ mundilteye boloyena. Ar tinreye cetʼakokan tahẽkan unre maraṅ naekeko ar Jihudikoren murubbiko do uni ṭhen hecʼkateko menkeda, “Cetʼ ektiạrite noakom kạmikana? Ar okoe noa ektiạri doe emakatʼmea?”

1 Rapajko 13:33

Niạ tayom hõ Jerobiam do acʼakʼ bạṛicʼ hor khon bae ruạṛlena bickom than boṭkocʼko lạgitʼ sanam hoṛko mod khon naekeye bahalketʼkoa. Okoe naeke hoyokʼe khojketʼ unige usul than boṭkocʼren naeke lekateye bahalede kan tahẽkana.

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Aposkạmi 7:54

Noako katha ańjomkate onko mukhiyạko do Stephan upạrte ạḍi bạṛicʼko raṅgaoena ar uni upạrteko togocʼ ḍaṭakeda.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

1 Rapajko 18:17

Eliại ńelkede khan Ahabe menkeda, “Am kangeam, E Israelren jạnum?”

Genesis 37:8

Unre uniren boeha do uniko metadea, “Am do cetʼ sạrigem hudiseda rajem hoyokʼa ar ale cetanre hukumem calaoa?” Uniyakʼ kukmũ ar kathate uniren dadattetʼtako do arhõ bạ̃ṛti hiskạwaeko ehopʼena.

Jirimiạ 36:16

Onko do sanamakʼ katha ańjomkate botorokʼ salakʼ am iń secʼko beṅgetʼana ar Barukko metadea, “Noako reakʼ joto katha do raj jạhiraetege hoyokʼa.”

Amos 1:1

Tekoaren gukʼpiko modre Amos hõ mitʼhoṛe tahẽkana. Unre Jihudạren raj do Usiạ ar Israelren raj do Joasren hopon Jerobiame tahẽkana. Dhạrti laṛaokʼ bar bochor lahare Israel babotre Isor okae udukʼade tahẽkan onage Amos doe lại jạhirleda.

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Amos 7:11

Amose meneda, ‘Jerobiam do tarwaṛeteye gocʼ ocokʼa ar Israel do khạṭige acʼakʼ disạm khon eṭakʼ disạmteye bondi idi ocokʼa.’ ”

Amos 5:10

Okoe do nagraha reakʼ phaṭokre behokakʼ upạrteye teṅgonkan uni dope hirkhạwaekana ar okoe sạriyakʼ kathakoe roṛetʼkan uni dope nihạ̃t edekana.