Amos 6:7 - সান্তালী বাইবেল

⁷ Onate okoe do bondikate eṭakʼ disạmteko idi ocokʼ onko modre apege pạhil thokren hoṛpe hoyokʼa; unre bhoj jom ar kunḍlạṅ hataṛokʼ do cabakʼtapea.

Amos 6:7 Referans Kwoze

Amos 7:11

Amose meneda, ‘Jerobiam do tarwaṛeteye gocʼ ocokʼa ar Israel do khạṭige acʼakʼ disạm khon eṭakʼ disạmteye bondi idi ocokʼa.’ ”

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Amos 5:27

Onate iń doń bondi ocopea ar Damesek hanasateń kolpea. Noa katha do iń Probhu Isorgeń meneda.”

Jesaea 21:4

Ińakʼ ontor do dhak dhakaokʼ kantińạ; botorteń thar tharaokʼ kana. Oka ńindạ lạgitʼ iń koyokʼ horakatʼ tahẽkan ona do ńitokʼ botoranakʼge hoyakantińạ.

Ester 5:8

Maharajakʼ nońjorre dayań ńamakatʼ khan ar ińakʼ nehõr joṅakʼ dohoytińem menetʼ khan tobe gapa okaṭakʼ bhojiń sapṛao lạgidokʼkan onare hõ Maharaj ar Haman do jemon seletʼkin tahen. Ar unre iń do maharajakʼ kukli reakʼ roṛ ruạṛiń emokʼa.”

Dosar Biboron 28:41

Okoeko hopon ar hoponerako hoyokʼtape onko hõ ape ṭhen bako tahena, ente onko do bondikateko idiocokʼa.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Jesaea 24:8

Toblako reakʼ saḍe ar andoṛetʼko reakʼ sabad ar peṛesaṅ reakʼ rạskạ do caba utạrokʼa.

Amos 4:3

Ape mimitʼko do lạnduṛakan bhit secʼtegepe or oḍok ocokʼa ar Hermon secʼpe giḍi ocokʼa. Iń Probhu Isorge noa katha doń menetʼkana.