Amos 6:6 - সান্তালী বাইবেল

⁶ Ape do bạṭi perecʼ darkha rasape ńũiyeda ar joto khon bhage so sunumpe ojokʼeda, menkhan Josephren, metakʼme Israelakʼ maraokʼ iạte do bape dukokʼ kana.

Amos 6:6 Referans Kwoze

Genesis 49:22

“Joseph do jokote perecʼ dare kanae, dakʼ aṛere jo akan dare leka; uniyakʼ ḍạrko do pạcri cetante lawer akana.

1Timothi 5:23

Ghane ghanem nijorokʼkante hajam lạgitʼ thoṛa thoṛate darkha rasa ńũiyme, ar eken dakʼ do alom ńũiya.

1 Korinthiko 12:26

Mitʼ hạṭiń manote ńam khan enḍekhan goṭa hạṭińge ona sãote hulạsokʼa.

Romiko lạgitʼ Pạul Apostolakʼ ciṭhi 12:15

Okoeko rạskạkʼkan onko tulucʼ rạskạkʼpe; ar rakʼ joṅko tulucʼ do rakʼjoṅpe.

Johan 12:3

Unre Mạriạm do adha liṭar ạḍi damanakʼ mahkaokʼ sunume ạgukeda ar Jisuakʼ jaṅgareye dulkeda ar acʼakʼ upʼteye jotʼketʼtaea. Ar ona mahkaokʼ sunum reakʼ mohokte goṭa oṛakʼ do perecʼena.

Amos 2:8

Onko do mitʼke mitʼ pinḍ ṭhen senkate bondhok hatao akatʼ kicricʼreko jạpitʼetʼkana. Onkoakʼ koejoṅ oṛakʼre onko do juribana reakʼ ṭakate darkha rasako ńũjoṅkana.

Hosea 3:1

Probhu Isor do ińe metadińạ, “Amren bạhu do eṭakʼ hoṛ sãoteye loṭghuṭi akatʼre hõ enhõ senkate arhõ dulạṛem. Israelko do debotako secʼko ạcur akanre hõ ar pujạ reakʼ kismis piṭhạko kusiyakʼkanre hõ enhõ Probhu Isor cetʼlekae dulạṛetʼko, ṭhik onkage am hõ amren bạhum dulạṛea.”

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Ester 3:15

Rajakʼ hukum ńamkate sombat asenko do usạrateko oḍokena ar Susan gaṛrehõ ona hukum lại jạhirena. Ona tayom raj ar Haman do darkha rasa ńũńũkin duṛupʼena ar Susan nagraharen Jihudiko doko hae nisạsena.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Jesaea 28:1

Hae, Ephrayimren bul hoṛkoakʼ mukuṭ lekan nagraha, one oka iạte onko doko bạḍạiyetʼ tahẽkan! Hae, ona Ephrayim reakʼ bạḍạite perecʼ ṭhonok reakʼ mosotʼ akan mala, one oka do buru-nala otet reakʼ muthnire menakʼakʼ! Ona buru-nalaren hoṛko do darkha rasateko ńũ oborakana.