Amos 6:5 - সান্তালী বাইবেল

⁵ Ape do peṛesaṅ banamatepe sereńetʼkana ar Dạudakʼ nana parkan bajnakope benaojoṅ kana.

Amos 6:5 Referans Kwoze

Jesaea 5:12

Onkoakʼ bhojre do peṛesaṅ ar binạ banam, kortal, tiriyạ ar darkha rasa tahenkana; menkhan Probhu Isorakʼ kạmi reakʼ do cetʼge bako moneyakʼ kana, ar uniyakʼ ti teakʼ kạmi reakʼ hõ bako ńeletʼkana.

Amos 5:23

Apeakʼ sereń durạṅ do sạṅgiń giḍikakʼpe. Apeakʼ peṛesaṅ reakʼ mońj rãwãokʼ do bạń ańjomtapea.

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Johan sodor 18:22

Okoe peṛesaṅko banam, arko sereń ar tiriyo ar siṅgạko oroṅ onkoakʼ saḍe do ar tishõ amre baṅ ańjomokʼa. Amre tishõ gạkhuṛ kạrigol do ar bako ńamokʼa. Ar amre jante reakʼ saḍe do ar tisge baṅ ańjomokʼa.

1 Patras 4:3

Okoe Isor bako baḍae akade onko leka ape hõ lahate umtạ umti, bạṛicʼ sana, ńũ bhuteṛokʼ, rij roṅ, matalokʼ, ar hirkhạwakʼ boṅga sewarepe taṛametʼ tahẽkana.

Sosolhayic̕ 2:8

Iń do ạḍi utạr sona-rupạ ar judạ judạ rapajkoakʼ ar eṭakʼ eṭakʼ disạm reakʼ dhonko ạgukate apnar lạgitʼ iń jogao dohoan tahẽkana. Iń do ạḍi utạr sekʼreńko ar herel rạskạ ocoko lạgitʼ chuṭki erakoń ńamketʼkoa.

1 Bõsbudạ 15:16

Dạud do Liwikoren mukhiyạkoe metatʼkoa, onko do jemon bajnakote, metatʼme, binạ banam, peṛesaṅ, kortalko ruwate rạskạkʼ lạgitʼ sereń dolko bahalko.

Genesis 31:27

Oko okote dạṛkate cedakʼ ben eṛe mojaketʼ lińạ? Ạliń ben metaliń khan ạliń do rạskạte, sereńate, kortal ru ar taranakʼ banamate aben liń bidạkebena.

Jeheskel 26:13

Iń do amakʼ sereń reakʼ arãṛiń thir ocoytama; binạ banam reakʼ saḍe hõ ar do baṅ ańjomokʼa.

2 Bõsbudạ 29:26

Ona iạte Liwiko do Dạudakʼ bajnako ar naekeko do akoakʼ sakwakoante onḍe senkateko teṅgoyena.