Amos 6:2 - সান্তালী বাইবেল

² Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Amos 6:2 Referans Kwoze

Nạhum 3:8

E Niniwi, am do cetʼ Na-aman khon hõm bhagegea? Uni do nil gaḍa aṛereye tahẽkana ar uni beṛhaete do dakʼ tahẽkana. Gaḍa do uniyakʼ rurukhiyạ bhitge tahẽkana.

2 Rapajko 18:34

Hamat ar Arphadren debotako doko okayena? Ar Sepharwayimren, Hena ar Ibaren debotako do okare menakʼkoa? Onko do cetʼ ińakʼ ti khon Samariạko rukhiyạ daṛe akawada?

Genesis 10:10

Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

2 Bõsbudạ 26:6

Uni do Philisṭiko upạrteye lạṛhạiyena ar Gat, Jabne, ar Asdod reakʼ bhitkoe rạputʼ giḍikada. Ona tayom uni do Asdod ṭoṭhare ar Philisṭikoakʼ judạ judạ jaegare pạcrite esetʼ adomakʼ atoko arhõe benao rakapʼkeda.

1 Samuel 17:4

Philisṭiren Guliạt ńutuman mitʼṭen birbanṭa hoṛ do onkoakʼ lạṛhại phạd khone oḍok hecʼena. Uni do Gat nagraharen hoṛe tahẽkana. Uni do usulte turui moka talae tahẽkana.

2 Rapajko 19:13

Hamatren raj, Arpadren raj, Sepharwayim nagraharen raj se Hena ar Ibahren raj doko okayena? ”

2 Rapajko 17:30

Nonkate Babelrenko do Sukot-Benot muṭhạn, Kutren hoṛko do Nergalakʼ muṭhạn ar Hamatren hoṛko do Asimaren muṭhạnko benao joṅana,

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

1 Samuel 17:23

Uni do tinre dadattetʼtako sãote kathae roroṛkan tahẽkana unre Gat nagraharen uni Philisṭi bir banṭa Guliạt do acʼren lạṛhại phạdko khon oḍok hecʼkate lahate lekage katha roroṛe ehopʼena, ar Dạud do uniye ńelkedea.

1 Samuel 5:8

Onate onko do hoṛ kolkate Philisṭikoren sanam disạm cakʼlaoko mitʼ ṭhen hoho ạgukateko kuliketʼkoa, “Israelkoren Isorakʼ sinduk dobon cekaea?” Onkoko menkeda, “Israelkoren Isorakʼ sinduk do Gad nagrahate idikʼma.” Onate Asdodren hoṛ do Israelkoren Isorakʼ sinduk do Gadteko idikeda.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

1 Samuel 5:10

Unre onko do Isorakʼ ona sinduk Ekron nagrahateko kolgotʼkada. Isorakʼ sinduk do Ekronte idiyen khan Ekronren hoṛko do ãṭ aṛaṅteko menkeda, “Onko do abo ar aboren hoṛko gocʼ bon lạgitʼge Israelkoren Isorakʼ sinduk do abo ṭhenko ạguakada.”

2 Samuel 8:9

Ar Hamatren raj Toi doe ańjomkeda, Dạud do Hadadeserren goṭa lạṛhại phạdkoe bhagao akatʼkoa.