Amos 6:14 - সান্তালী বাইবেল

¹⁴ Phạdkoren Probhu Isore meneda, “E Israelren hoṛko, iń do ape upạrte mitʼṭen jạtreniń teṅgoyea. Uni do utạr secʼ reakʼ Hamat khon dạkhin reakʼ Araba buru lodam hạbicʼ sanam ṭhạ̃ireye santaopea.”

Amos 6:14 Referans Kwoze

2 Rapajko 14:25

Israelren Probhu Isor do acʼren guti Gat-Hepherren Amitaeren hopon Jona nạbi hotete oka kathae roṛletʼ ona katha lekage Jerobiam do Hamat ṭoṭha khon Araba doreão hạbicʼ Israelkoakʼ disạm reakʼ lahateakʼ simạna do arhõ acʼakʼ dokholreye ạgukeda.

1 Rapajko 8:65

Nonkate Solomon ar uni sãoten sanam Israelko do ona jokhecʼ aboren Probhu Isor samaṅre eae din arhõ eae din, jotote gelpon din hạbicʼ mitʼṭecʼko porobena. Onko do lekhare ạḍi saṅgeko tahẽkana; onko do Hamat khon Misor reakʼ rohoṛ gaḍa hạbicʼ sanam ṭoṭha khonko hecʼakan tahẽkana.

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Jesaea 7:20

Enhilokʼ Probhu Isor do apeakʼ bohokʼ reakʼ upʼ, jaṅga reakʼ upʼ ar gocoko hoyo ocoytape lạgitʼ Phurạt gaḍa hanasa khon mitʼṭecʼ holatʼ, metakʼme Ạsur raje bhaṛa ạguiyea.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Jeheskel 47:20

Pạchim secʼ reakʼ simạna do maraṅ jalapuri secʼte Hamat reakʼ botolo mũhạ̃ mũhĩ hoyokʼa. Ar noage hoyokʼa pạchim reakʼ simạna do.