Amos 6:13 - সান্তালী বাইবেল

¹³ Am do Lo-dabarrem (mane do ‘Ạuṛiyakʼ ’) hat akatʼtem rạskạkʼkana, arhõm roṛ baṛayeda, “Ale do cetʼ apnarakʼ daṛete Korniạm (mane do ‘Daṛeanakʼ dereń’) do bale ạidạri akawana?”

Amos 6:13 Referans Kwoze

Jakob 4:16

Menkhan ape do phulạu ar usul montepe perecʼ akana. Ar nonkan joto phulạuakʼ do bạṛicʼgea.

2 Rapajko 14:25

Israelren Probhu Isor do acʼren guti Gat-Hepherren Amitaeren hopon Jona nạbi hotete oka kathae roṛletʼ ona katha lekage Jerobiam do Hamat ṭoṭha khon Araba doreão hạbicʼ Israelkoakʼ disạm reakʼ lahateakʼ simạna do arhõ acʼakʼ dokholreye ạgukeda.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.

Johan 16:20

Sạrigeń metapekana, ape dope rakʼjoṅa arpe hae haeyokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Jona 4:6

Unre Probhu Isor do onḍe mitʼṭecʼ eraḍom dareye janam ocokeda. Ar ona dare do Jona cetanteye hara rakapʼ ocokeda uniyakʼ bohokʼ umultae lạgitʼ. Ona dare iạte Jona do ạḍiye kusiyena.

Jirimiạ 50:11

“E Babelrenko, ape do ińakʼ ạidạripe luṭ akawana ar onatepe rạskạkʼ kana, arpe kusikʼ kana. Ape do phosol enokʼkan mĩhũ lekape don baṛaekana ar khacaṛ sadom lekape hinhạukʼ kana;

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jesaea 8:6

“Noko hoṛ do Siloah reakʼ legem ạtukʼ dakʼko nihạ̃tetʼ kana, onko do Resin ar Remaliạren hopon iạteko rạskạkʼ kana.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Jesaea 7:1

Usiạren goṛomtetʼ, metakʼme Jothamren hopon Ahas do tinre Jihudạ disạmren raje hoyena unre Aramren Rathsin raj do Israelren raj Ramayelren hopon Pekoho soṅgekate Jerusalem upạrte lạṛhại lạgitʼe rakapʼ hecʼena, menkhan unkin do bạkin jitạu daṛeada.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Jobakʼ 31:29

“Ińren bạiriyakʼ duk iạte iń do bạń rạskạlena se uniyakʼ kosṭo oktere hõ bạń kusilena.

Jobakʼ 31:25

ar ińakʼ tite oka dhon-duribiń hameṭ akawan ona dhon iạteń hulạs len khan,

Jobakʼ 8:15

Onareye ṭenḍarlen khan ona do rạpudokʼtaea, ar onareye sapʼ kajakokʼ khan enḍekhan ona do bae sapʼ ṭarhao daṛeakʼa.

2 Rapajko 13:25

Unre Jehoahasren hopon Jehoas do ona nagrahako arhõe hat ruạṛkeda one okako do Hasaelren hopon Benhadad do acʼren apat Jehoahas ṭhen khon lạṛhạireye jitạu akatʼ tahẽkan. Jehoas do pe dhao Benhadad lạṛhạireye bhagao ledete Israelkoakʼ nagrahakoe rukhiyạleda.

1 Samuel 4:5

Probhu Isorakʼ goha sinduk ḍerate ạguiyen khan Israelren sanamko nunạkʼ ãṭ aṛaṅteko hohokeda je, ona do disạm reakʼ sanam jaegare seṭerena.

Bikʼcạrko 9:27

Onko do akoakʼ khetre senkate darkha joko lenkeda arko porobena. Onko do akoren debotawakʼ mundilte senkateko jom-nũkeda ar Abimelekko sarapadea.

Jobakʼ 8:14

Okoe cetanre uniye bhorsakʼ ona do baṅ keṭecʼa, ona biswạs do bindi ganakʼ leka kana.

Sereńko 2:2

Dhạrtiren rapajko do Probhu Isor ar uniren ojokʼicʼ upạrteko teṅgonkana, Ar mukhiyạko do mitʼteko milimisi joṅkana.

Sereńko 75:4

Iń do phulạukʼkan koń metakoa, ‘alope gorbokʼa,’ ar bạṛicʼko doń metakoa, ‘dereń do alope rakabtapea.

Sereńko 75:5

Apeakʼ dereń do coṭte alope rakaba ar hoṭokʼ keṭecʼkate hõ alope roṛa.’ ”

Sakariạ 1:19

Ar okoeṭakʼ serma goḍet do iń sãoteye galmaraokan tahẽkan uniń kulikedea, “Noako do cetʼ kana?” Uni doe roṛ ruạṛạdińa, “Noa do onako dereńkana oka do Jihudạ, Israel ar Jerusalemren hoṛko eṭakʼ eṭakʼ ṭhạ̃ireye chirchạtur akatʼko.”

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Jeheskel 29:9

Misor do mitʼṭecʼ ujạṛakʼ ṭhạ̃ige hoyokʼa. Unre hoṛko baḍae daṛeakʼa, ińkangeạń Probhu Isor do. “Am dom menetʼkana, nil gaḍa do amakʼ kana ar amge ona dom benao akada.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”