Amos 6:12 - সান্তালী বাইবেল

¹² Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Amos 6:12 Referans Kwoze

Amos 5:7

Ape do hok reakʼ bicạrpe haṛhatʼ ocoyetʼkana ar dhorom do otrepe lebda giḍikakʼkana.

Hosea 10:4

Onko do ạuṛi kathakogeko roṛeda ar eṛe eṛe kiriạkate bondobosko bandhaoeda. Onate bicạr do khet reakʼ nahel gaḍakore bisanakʼ aṛakʼ sakam leka phuṭạu rakapʼkana.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Hosea 10:13

Menkhan ape do dusṭạmigepe laṭkao akawana, ar bạṛicʼakʼ reakʼ phosolpe getʼ akada ar eṛeteakʼ jo hõpe jom akada. Ape do apeakʼ daṛe ar ḍher lạṛhạiko cetanrepe bhorsa akana;

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jakob 3:18

Okoe sulukokʼ lạgitʼko kurumuṭukan onko do sulukte itạko ereda ar ona reakʼ jo do hoyokʼ kana dhorom jionge.

Amos 2:3

Uniren raj doń marao giḍikaea ar uni sãote uniren sanam disạm cakʼlaoko hõń gocʼkoa.”

Amos 3:10

Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”