Amos 6:11 - সান্তালী বাইবেল

¹¹ Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

Amos 6:11 Referans Kwoze

Amos 3:15

Iń do rabaṅ din oṛakʼ ar oṛakʼ banargeń rạpuda; ar hạti ḍaṭate kạmi akatʼ oṛakʼ do nosṭokʼa ar maraṅ maraṅ oṛakʼko do maraokʼa. Iń Probhu Isorge noa katha doń meneda.”

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

2 Rapajko 25:9

Uni do Probhu Isorakʼ oṛakʼre, raj oṛakʼre ar Jerusalem reakʼ joto oṛakʼre seṅgele jeretʼada. Ar asol asol oṛakʼko hõe jeretʼ giḍikada.

Luk 19:44

Onko do am ar amre menakʼko sanam hoṛ sapʼkate otreko tawakʼkoa ar amre do dhiri cetan dhiri hõ baṅ tahena, ente Isore hiriletʼme okte do bam baḍae oromlakʼa.”

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Nạhum 1:14

E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Amos 9:1

Probhu Isor do pinḍ aṛere teṅgo akaniń ńelkedea. Uniye metadińa, “Khunṭi chatnako kuṭạmme jemon duạr saṅgako daldalaokʼte sanam hoṛkoakʼ bohokʼ cetanre rạputʼ ńurokʼ. Okoe jiwetʼko tahen onko do tarwaṛeteń gocʼkoa. Onko do celege bako ńir phoṛokʼa ar celege bako dạṛ paskaokʼa.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Hosea 13:16

Samariạren hoṛko do akoren Isor upạrteko hul akatʼte onko do akoakʼ ghạṭko goga. Onko do lạṛhạireko gujukʼa; onkoren huḍiń gidrạko do otreko tawakʼ gejer ocokʼa ar onkoren bhạrti hoṛmo maejiuko do lacʼko getʼ cirạ ocokʼa.”

Jesaea 13:3

Iń ńutumte begar akan hoṛkoń hukum akatʼkoa; ińakʼ edre dul giḍikakʼ lạgitʼ ińren lạṛhại birkoń hohoakatʼkoa. Ińakʼ mạhima sodor akante onko do rạskạteko gorbokʼ kana.”

Sosolhayic̕ 10:18

Asketokʼ hoṛkoakʼ sạṛim do lạndubokʼa; ar ḍhilạu iạte oṛakʼre dakʼ jorokʼa.

Sereńko 105:34

Uniyakʼ kathate pohoko ar sosrocʼkoko hecʼena;

Sereńko 105:31

Uniyakʼ kathate jhãke jhãk tejoko hecʼena onkoakʼ disạm do kãṛã loṭocʼte perecʼena.

Sereńko 105:16

Ona tayom uni do onkoakʼ disạmre akale hoyocokeda ar jomakʼteye ṭonṭaketʼkoa;

Amos 5:11

Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.