Amos 6:10 - সান্তালী বাইবেল

¹⁰ Ona tayom jãhãeṭakʼ peṛage onako mạ̃ṛĩ do oḍok idikate rapakʼ giḍikakʼ lạgitʼe hijukʼa. Uni do oṛakʼ bhitrire bolokate ar jãhãe menakʼkoa se baṅa ona baḍae lạgitʼe kulijoṅa, “Am chaḍa ar jãhãe menakʼkoa?” Unre ona oṛakʼren hoṛe mena, “Baṅa, bạnukʼkoa.” Onate uni peṛa doe mena, “Hapekokʼme. Ar Probhu Isorakʼ ńutum hõ alom ńuma.”

Amos 6:10 Referans Kwoze

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

1 Samuel 31:12

Unre onḍenko dilgiriạ hoṛ do goṭa ńindạ taṛamate senkate Betsam reakʼ pạcri bhit khon Sạul ar uniren hoponkoakʼ mạ̃ṛĩko pheḍkeda ar Jabeste idikate onḍeko atar giḍikeda.

Amos 5:13

Ar onatege budan hoṛ do nonkan oktere thir hape akane tahenkana, ente okte do bạṛicʼgea.

Jeheskel 20:39

“ ‘E Israelko, iń Probhu Isorgeń menetʼkana, Do calakʼpe, ar senkate aperen boṅgako sewawakope. Menkhan tayomte khạṭige ińakʼ kathape ańjoma ar unre apeakʼ sandes ar boṅgakote ińakʼ sonot ńutum do ar bape besonota.

Jirimiạ 44:26

Menkhan Misorre girobasokʼ kan sanam Jihudiko, ape do Probhu Isorakʼ katha ańjompe. Probhu Isore meneda, ‘iń do ińakʼ maraṅ ńutumteń kiriạkʼ kana, Misorre jãhã ṭhạ̃iregeko girobasokʼ kan Jihudạren hoṛko do iń ńutumte kiriạkate bako mena, jiwetʼ Isor ńutumteń kiriạkʼ kana.

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Numeri 17:12

Noako ńelte Israelko do Moseko metadea, “Hae, ale dole gocʼena, arle maraoena, ar jotogele marao cabayena!

2 Rapajko 23:16

Ona tayom uni do beṛhaeteye beṅgetʼ ạcurkeda ar buru ṭhen okako topa tahẽkan onḍe khon jaṅkoe ạguketʼte pinḍ cetanreye atarketʼte onae bhõnḍ ocokeda.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

Jirimiạ 9:21

Gujukʼ do aboakʼ jalna secʼte aboakʼ gaṛkore boloakana; ona do kulhi khon gidrạko ar dobạṭiạ khon juạnkoe marao utạr akatʼkoa.