Amos 5:5 - সান্তালী বাইবেল

⁵ Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Amos 5:5 Referans Kwoze

Hosea 4:15

“E Israel, am dom laṭghaṭ akatʼre hõ Jihudạ do inạ dusire alo jemone paṛaokʼ. Ape do Gilgolte alope senokʼa; Beth-Abentehõ alope calakʼa; Ar ‘jiwetʼ Probhu Isor ńutumteń kiriạkʼ kana’ mente do alope kiriạkʼa.

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”

Amos 4:4

“Ape do Betheltepe calakʼa arpe ghạṭa; Gilgalte senkate arhõ bạ̃ṛtipe ghạṭa. Din hilokʼ setakʼ reakʼ samaṅokʼakʼ jinisko ar pepe din hilokʼre apeakʼ gel hạṭiń reakʼ mitʼ hạṭiń jiniskope idiyetʼkana.

Genesis 21:33

Abraham do Ber-Sebare Probhu Isor, metakʼme okoe do etohopʼ ar ses bạnukʼtae uni Isore sewawadea. Ar onḍe do mitʼṭecʼ jhão dareye rohoekeda.

Johan sodor 18:17

Ente mitʼ ghạṛitege amakʼ joto dhon-durib do nosṭo cabayena!” Ar mitʼke mitʼ jahaj cakʼlaoko, ar jahajte dãṛãn hoṛko, ar lạuṛiạko, ar jalapurire okoe doko bạnij beparetʼkan onko sanamko do sạṅgińreko teṅgo tahẽyena.

1 Korinthiko 2:6

Okoeko Mạsiyakʼ Jionreko hara sạbit akan onko ṭhen do akel reakʼ kathagele roṛeda; menkhan ona akel do noa dhạrti reakʼ baṅkana, se noa jugren mukhiyạkoakʼ hõ baṅkana one okoe doko parom calakʼko kan;

1 Korinthiko 1:28

dhạrti do okaṭakʼ nicạṛakʼ, nihạ̃takʼ ar bạnukʼakʼe metakʼkan, onage Isor doe bachaoana, jemon dhạrtire menakʼakʼkoe ạuṛiyakʼ ocoy;

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Hosea 12:11

Gilead do bedhoromteye perecʼgea; uniren hoṛ doko ạuṛiyakʼgea. Onko do Gilgolre ḍher ḍaṅgrako samaṅketʼkoa. Onkoakʼ pinḍko do casetʼkan jumire dhiri ḍạṅko leka ḍhergea.

Hosea 10:8

Beth-Aben reakʼ than boṭkocʼko, metakʼme Israelakʼ kại reakʼ ṭhạ̃iko do maraokʼ ocokʼa. Onḍe do rạṅgạini jạnumko janam rakabokʼte onkoakʼ pinḍkoe danaṅ esedtakoa. Unre onko do maraṅ maraṅ buruko metawakʼa, “De danaṅ esetʼlepe” ar huḍiń buruko doko metawakʼa, “De ale cetanre ńurokʼpe.”

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Jesaea 29:20

Kurmutạhako do ar bako tahena; ṭiṭkạri hoṛko hõko caba utạrokʼa, ar okoe bạṛicʼakʼ kạmiko menjoṅkan onko doko marao ocokʼa.

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Jobakʼ 8:22

Okoe ińko hirkhạwạń onko doko lajao ocokʼa; bạṛicʼkoakʼ tạmbu do ar baṅ tahena.”

1 Samuel 11:14

Unre Samuel do hoṛkoe metatʼkoa, Dela, abo do Gilgolte senkate Sạulakʼ raj hudạ reakʼ katha arhõbon lại jạhira.”

1 Samuel 7:16

Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.

Dosar Biboron 28:41

Okoeko hopon ar hoponerako hoyokʼtape onko hõ ape ṭhen bako tahena, ente onko do bondikateko idiocokʼa.

Genesis 21:31

Onate ona jaega reakʼ ńutum do Ber-seba (metakʼme “Kiriạ reakʼ kuń”), ente nonḍege unkin dokin kiriạlena.

1 Samuel 8:2

Uniren maraṅicʼ hoponakʼ ńutum do Joel ar dosaricʼ hoponakʼ ńutum do Obiyạ tahẽkana. Ar unkin do Ber-sebare kin bicạretʼ tahẽkana,

1 Rapajko 12:28

Unre Jerobiam raj do sopolhakate sonaren barea mĩhũi benao ocoketʼkinạ. Ar ona tayom do hoṛkoe metatʼkoa, “Jerusalemte calakʼ do ape lạgitʼ ạḍi kosṭogea. E Israelko, nokin kangeakin aperen debota do, nokinge Misor disom khon apekin oḍok ạgu akatʼpea.”

1 Rapajko 12:29

Unkin mĩhũ modre mitʼṭen do Bethelre ar eṭagicʼ do Danreye dohoketʼkinạ,

Amos 3:14

Kại iạte oka hilokʼ Israeliń sạjạiye enhilokʼ do Bethel reakʼ pinḍko hõń rạputʼ giḍikakʼa; unre pinḍ reakʼ dereńko do otre rạputʼ ńurokʼa.

Amos 7:10

Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Amos 7:13

Bethelre do ar alom nạbiya, ente noa do rajakʼ sonot ṭhạ̃ikana ar rajosṭi reakʼ mundil kana.”

Genesis 26:23

Tayomte Isahak do onḍe khone oḍokente Ber-sebateye calaoena.

Genesis 26:33

Isahak do ona kuń reakʼ ńutum Sibae dohokeda (metakʼme “Kiriạ”). Ona iạte teheń hõ ona nagraha reakʼ ńutum do Ber-seba tahẽyena.

Josuạ 5:9

Ona tayom Probhu Isor do Josuại metadea, “Misorre oka henostarepe tahẽkan teheń ona do ape khoniń sạṅgińkeda.” Ar onate teheń hạbicʼ hõ ona jaega do Gilgolko metakʼkana.

2 Rapajko 23:8

Josiạ do Jihudạ reakʼ nagraha ar atoko khon sanam naekeye ạguketʼkoa ar Geba khon Berseba hạbicʼ okako than boṭkocʼre onko do dhupko jeretʼetʼ tahẽkan onakoe bhõnḍ ocokeda. Uni do Josuạwakʼ phaṭok-duạrte bolokʼ horre okako than boṭkocʼ tahẽkan onako hõe rạputʼ giḍikada. Niạ phaṭok do nagraha reakʼ maraṅakʼ phaṭok duạr khon leṅga secʼre tahẽkana.

Jirimiạ 48:13

Israelko Bethelre pạtiạukate cetʼlekako lajao ocolen onkage Moab hõ Kemos reaṅ iạteko lajao ocokʼa.

Amos 1:5

Iń do Damesek reakʼ huṛkạṛ koń rạputʼ giḍikakʼa; ar Awen reakʼ lodamre hoṛko ar Beth-Edenre okoeṭakʼ hoṛ do raj ṭheṅgae sapʼakatʼ uni doń marao giḍikaea. Ar Aramren hoṛ do bondikate Kirteko idi ocokʼa.”

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”