Amos 5:27 - সান্তালী বাইবেল

²⁷ Onate iń doń bondi ocopea ar Damesek hanasateń kolpea. Noa katha do iń Probhu Isorgeń meneda.”

Amos 5:27 Referans Kwoze

Aposkạmi 7:43

Ona do baṅa, bickom sewawakʼ lạgitʼ oka muṭhạnpe benaoletʼ tahẽkan uni Molok boṅga reakʼ muṭhạn ar Rophan boṅgaren ipilge ape dope gokʼ idiledea. Onatege iń do Babel disạm hanasate bondi ocokateń kolpea.

2 Rapajko 17:6

Hoseawakʼ rajokʼ areyakʼ bochorre Asurren raj do Samariạ hatkate Israelko Asurteye bondi idiketʼkoa. Uni do Halare, Haber gaḍa aṛe Gosan ṭoṭhare ar Mediạkoakʼ nagrahakoreye girobas ocoketʼkoa.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

Jirimiạ 38:17

Unre Jirimiạ do Sedekiại metadea, “Israelren phạdkoren Probhu Isore meneda, ‘Babel rajren subedar ṭhen bhagao ocokʼ reakʼem aṅgocetʼ khan amakʼ jiwi do bańcaokʼtama ar noa nagraha do seṅgelte baṅ ḍahao maraokʼa; ar am gharońjrenpe bańcaokʼa.

Amos 5:26

Ona do baṅa, bickom apeakʼ tite benaoicʼ raj-debota Sakuthakʼ muṭhạn ar ipil debota Kạyunakʼ muṭhạngepe gokʼ idileda.

Amos 6:1

Hae ape do! Ape do Sionre nicindpe tahenkana ar Samariạ buru do khạtirjomape hudisetʼkana. Ape do sanam khon maraṅ jạt Israelren namḍak hoṛ kanape ar ape ṭhenge Israelren hoṛ doko hijukʼkana.

1 Rapajko 14:15

Probhu Isor do Israelkoe ńẽtʼketʼkoa, onate onko do dakʼre hilạukʼ kan pạṭiol ghãs lekako hoyokʼa. Ar okaṭakʼ disạm onkoren hapṛamkoe ematʼko tahẽkan ona mońj disạm khone or totʼkoa ar Phurạt gaḍa hanasareye giḍikakoa, ente onko do Asera muṭhạn benaokate Probhu Isorko edre ocoakadea.

2 Rapajko 17:23

Mucạtʼre Probhu Isor do acʼren sanam gutiko, metakʼme nạbiko hotete emakʼ sontor katha lekate acʼ samaṅ khone ocokʼ giḍikatʼkoa. Ona iạte Israelren hoṛko do akoakʼ disạm khonko bondi ocoyente Asur disạmteko idi ocoyena, ar teheń hõ onko do onḍege menakʼkoa.

Amos 6:7

Onate okoe do bondikate eṭakʼ disạmteko idi ocokʼ onko modre apege pạhil thokren hoṛpe hoyokʼa; unre bhoj jom ar kunḍlạṅ hataṛokʼ do cabakʼtapea.