Amos 5:22 - সান্তালী বাইবেল

²² Ape do iń ńutumte jeredokʼ samaṅokʼakʼ ar jomakʼ samaṅokʼakʼpe samaṅrele hõ iń do ona bạń ataṅtapea. Ape do lodgopʼ janwarkote sulukren samaṅokʼakʼpe samaṅạńre hõ samaṅạńre hõ ona secʼ do bạń beṅgeda.

Amos 5:22 Referans Kwoze

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Levitikus 7:11

“Noa do hoyokʼ kana Probhu Isor ńutumte ạguakʼ sulukren samaṅokʼakʼ reakʼ niạm.

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Jesaea 1:11

Probhu Isore meneda, “Aperen jãhãn teṅgenokʼko do baṅ jạruṛạńạ. Bheḍa ar lodgopʼ posao janwarkoakʼ itil reakʼ jeredokʼ samaṅokʼakʼ iń do bạń hạ̃sakʼ kana; ḍaṅgra, bheḍa ar meromakʼ mãyãm hõ bạń kusiyakʼ kana.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Jirimiạ 7:21

Israelren phạdkoren Probhu Isore meneda, “Apeakʼ eṭakʼ samaṅokʼakʼ sãote jeredokʼ samaṅokʼakʼ samaṅkate ona reakʼ jel do cedakʼ bape jomeda?

Jirimiạ 14:10

Probhu Isor do noko hoṛko reaṅgeye meneda, “Onko do ạcur baṛaeko kusiyakʼ kana; onko do jaṅga bako jirạuetʼtakoa. Onate iń do bạń ataṅetʼkoa; ar ńitokʼ do onkoakʼ dusṭạmi reaṅ iń disạ ruạṛa ar kại reakʼ sạjạiyiń emakoa.”

Amos 5:23

Apeakʼ sereń durạṅ do sạṅgiń giḍikakʼpe. Apeakʼ peṛesaṅ reakʼ mońj rãwãokʼ do bạń ańjomtapea.

Malaki 1:9

Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.