Amos 5:21 - সান্তালী বাইবেল

²¹ Probhu Isore meneda, “Apeakʼ porobko doń hirkhạwakʼkana, ar bạń moneyakʼkana, apeakʼ sabha do bạń sahao daṛeakʼkana.

Amos 5:21 Referans Kwoze

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jeheskel 23:18

Uni do tinre khulạsate loṭghuṭiye ehopʼkeda ar acʼakʼ uluṅtetʼe sodorkeda unre iń do uniń hirkhạwadea, cetʼleka acʼren boeha kuṛiń hirkhạwade tahẽkan.

Hosea 2:11

Iń do uniyakʼ joto rạskạ reakʼ porob, molokʼ candoko, jirạukʼ mãhãko metakʼme uniyakʼ niṭ akatʼakʼ sanam porobkoń caba utạrtaea.

Hosea 5:6

Onko do akoren bheḍa ar ḍaṅgra palkoante Probhu Isor ṭhenko senlenre uni do bako ńamekana; onko khon acʼ doe ocogokʼkana.

Amos 4:4

“Ape do Betheltepe calakʼa arpe ghạṭa; Gilgalte senkate arhõ bạ̃ṛtipe ghạṭa. Din hilokʼ setakʼ reakʼ samaṅokʼakʼ jinisko ar pepe din hilokʼre apeakʼ gel hạṭiń reakʼ mitʼ hạṭiń jiniskope idiyetʼkana.

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Amos 8:10

Apeakʼ sanam hulạs do dukte ar sanam sereń doń homor halaṅ ocoya. Sanamkoge gõṛẽ kicricʼ iń horokʼ ocopea ar bohokʼ doń hoyo ceḍeytapea. Ona okte do sadher hoponakʼ gujukʼ reakʼ homor lekań hoeocoya ar ona do mucạtʼ hạbicʼ ạḍi dukge hoyokʼa.”