Amos 5:20 - সান্তালী বাইবেল

²⁰ Probhu Isorakʼ din do marsal baṅkate cetʼ ńutakʼ do baṅ hoyokʼa? Jhalkaokʼ marsal khon cetʼ kaṛaṅ ńutakʼ do baṅ hoyokʼa?

Amos 5:20 Referans Kwoze

Jesaea 13:10

Unre sermaren ipilko do marsal bako emokʼa; siń candoe rakabokʼ okterehõ ńutge tahena ar ńindạ cando hõ bae terdeja.

Sephaniạ 1:15

Ar enhilokʼ do Probhu Isorakʼ edre reakʼ dinge hoyokʼa, gạr ar cikʼpạ reakʼ dinge hoyokʼa, muhin ar jarkharokʼ reakʼ dinge hoyokʼa, dhund reakʼ dinge hoyokʼa, rimil ar kaṛaṅ ńut reakʼ dinge hoyokʼa.

Jeheskel 34:12

Gukʼpiyicʼ cetʼ leka acʼren pasnao akan palrenkoe tolasko onkage ińren bhiḍi hõń tolaskoa. Rimil ar ńut reakʼ dinre oka ṭhạ̃ikoreko pasnao akan iń do onḍe khoniń bańcao ạgukoa.

Johan sodor 16:10

Tayomte mõṛẽyicʼ serma goḍet do uni janwarakʼ siṅghạson cetanre acʼakʼ bạṭi reakʼe dulkeda. Onate uni janwarakʼ rajosṭi do ńutena. Ar hasote hoṛko do akoakʼ alaṅko togocʼkeda ar haso ar ghao iạte onko do sermaren Isorko henostawadea, menkhan enrehõ akoakʼ bạṛicʼ kạmiko khon mon do bako ạcurletʼtakoa.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Mathae 22:13

Unre raj do acʼren gutikoe metatʼkoa, ‘ti jaṅgare tolepe ar bahre ńutre giḍikaepe. Onḍe do rakʼjoṅ ar togocʼ ḍaṭa hoyokʼa.’ ”

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Obodiạ 1:15

“Sanam jạtrenko lạgitʼ Probhu Isorakʼ din do sor hecʼakana. Am cetʼkom ceka akatʼ onkage amre hõ hoyokʼa; amakʼ kạmi reakʼ jo do amakʼ bohokʼ cetanrege ruạṛ hijukʼa.

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.