Amos 5:15 - সান্তালী বাইবেল

¹⁵ Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Amos 5:15 Referans Kwoze

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

3 Johan 1:11

Dulạṛiạ gateko, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńelakadea.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Sereńko 97:10

Okoe Probhu Isorko dulạṛede onko do bedhoromko hirkhạwakʼ ma; ente uni do acʼ sekʼwawaekoe bańcaoetʼkoa ar bạṛicʼ hoṛkoakʼ ti khone rukhiyạyetʼkoa.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Mikạ 5:3

Ona iạte uni do unhạbicʼe alae giḍikoa one tin hạbicʼ jakʼnamicʼ do bae janame. Ar unre acʼren boehakoren sarecʼko doko ruạṛa, Israel hoponko ṭhenge.

Exodus 32:30

Dosar hilokʼ Mose do hoṛkoe metatʼkoa, “Ape do ạḍipe kại akada. Menkhan ńit Probhu Isor ṭhen iń rakapʼ calakʼ kana. Hoedaṛeakʼ apeakʼ puruchun reakʼ mitʼṭecʼ bondobos iń hoeocoya.”

Jona 3:9

Okoe baḍaea hoedaṛeakʼa Isor do moneye ạcurtaete jaljalaokʼkan edre khone ruạṛkange jemon alo bon marao utạrokʼ.”

Amos 5:24

Ona khon bickom hok do gaḍa leka ar dhorom do jaejug ạtukʼkan dakʼ leka baṛe hoyokʼma.

Sereńko 36:4

Onko do aṭetʼre giticʼkate hõ bạṛicʼ phundiko aṭãoa; onko do bedhorom horre apnartetʼko jimạ akana ar bạṛicʼakʼ do bako hirkhạwakʼ kana.

1 Rapajko 20:31

Benhadadren kạmiyạko do uniko metadea, “Ńelme, alele ańjomakada Israelren rapajko do dayawanko kanako. Dela, abo do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen bon calakʼa. Hoedaṛeakʼa uni do jomakʼte jiwiye rukhiyạitama.”

Romiko lạgitʼ Pạul Apostolakʼ ciṭhi 7:22

Ińakʼ ontor do Isorakʼ ạn-ạrikoteye rạskạkʼ kana;

Mikạ 2:12

Probhu Isore meneda, “E Jakob, iń do khạṭige ape sanamkoń jarwa mitʼpea; iń do khạṭige Israelren bańcao tahen sarecʼ hoṛkoń jarwa mitʼkoa. Bosraren bhiḍiko leka, khạṛre tahen bhidi palko leka iń do onkoń jarwa mitʼkoa; disạm do arhõ hoṛkote perejokʼa.”

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Amos 5:10

Okoe do nagraha reakʼ phaṭokre behokakʼ upạrteye teṅgonkan uni dope hirkhạwaekana ar okoe sạriyakʼ kathakoe roṛetʼkan uni dope nihạ̃t edekana.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

Jirimiạ 31:7

Probhu Isore meneda, “Ape do Jakob lạgitʼ kusi monte sereńpe; sanamko khon soros jạtrenko lạgitʼ sarhao sereńpe. Ape do sarhao sereńate menpe, ‘E Probhu Isor, amren hoṛko, Israelren sarecʼ hoṛko baṛe bańcaokom.’

Sereńko 119:104

Amakʼ ạn ạri khon iń do bicạr reakʼ budiń ńameda, onate iń do sanam eṛeakʼ reakʼ horkoń hirkhạwakʼ kana.

Sereńko 37:27

Bạṛicʼakʼ bạgiyakʼme ar bhageakʼ kạmime, onate jaejug hạbicʼ jiwetʼem tahena.

Sereńko 34:14

Bạṛicʼ kạmi khon sạṅgińre tahenpe, ar bhageakʼ kạmipe; suluk lạgitʼ ahkaokʼpe ar ona do alope aṛakʼ giḍikakʼa.

2 Rapajko 19:4

Ạsurren raj do jiwetʼ Isor nisṛạue lạgitʼ Rabsakeye kolakadea menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme okoe do ńit hạbicʼ jiwetʼ menakʼko.”

2 Rapajko 15:29

Israelren raj Pekawakʼ oktere Asurren raj Tiglot-Pilese do hecʼkate Iyon, Abel-beth-Maka, Janoa, Kedes, Hasor, Gilead, Gạlil ar Napthali reakʼ sanam ṭoṭhae ạidạriana ar hoṛko bondikate Asurteye idiketʼkoa.

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

2 Samuel 16:12

Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

Daniel 2:49

Tayomte Daniel do raj ṭhene nehõren khan raj do Sadrak, Mesak ar Abed-nego teko hõ Babel disạmren rajkạmireye bahalketʼkoa; menkhan Daniel do raj dorbarreye tahẽyena.

Amos 7:3

Unre Probhu Isor do mone ạcurketʼteye menkeda, “Onka do ar baṅ hoyokʼa.”

Jona 1:6

Unre jahajren cakʼlaoicʼ do Jona ṭhen senkateye metadea, “Cekate galasaṅem jạpitʼ akada? Ma beretʼme ar amren debota hohoaeme. Pasere pase uni do aboe beṅgetʼ abon ar onatebon bańcao daṛekokʼ.”

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jeheskel 45:9

“ ‘E Israelren disạm cakʼlaoko, iń Probhu Isorgeń menetʼkana, ḍherge hoyakana. Ńitokʼ do jor julum ar santao bạgikate dhorom ar bhage reakʼ kạmipe. Ińren hoṛkoakʼ jaega apeakʼ dokholre ạgui do bạgipe.

Mikạ 3:2

Ape do bhageakʼ kạmipe hirkhạwakʼ kana ar bạṛicʼakʼ kạmi dope dulạṛeda; Ape do ińren hoṛkoakʼ hoṛmo khon harta ar jaṅ khon jelpe chaḍaoetʼtakoa;