Amos 5:14 - সান্তালী বাইবেল

¹⁴ Ape jemonpe bańcao daṛeakʼ ona lạgitʼ bhageakʼko khudạupe, bạṛicʼakʼ do baṅa; enḍekhan cetʼlekape roṛ baṛae onkage sanam daṛeanicʼ Probhu Isor do sạrige ape sãoteye tahena.

Amos 5:14 Referans Kwoze

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Mikạ 6:8

E manwa, okaṭakʼ bhageakʼkan ona ma coṅ udukʼ akawatʼme. Hok reakʼem kạmi, dayam dulạṛ ar amren Isor tulucʼ nindhạntem taṛam chaḍa Probhu Isor do ar cetʼhõ coṅ am ṭhen khon ma bae khojkan.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

Amos 3:3

Laha khon jãhãe bạkin ṭhik dohole khan cetʼ mitʼ sãotekin calao daṛekokʼa?

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Kạhtukko 11:27

Okoe bhageakʼe ńam bakʼṛakan uni do dayae ńama, menkhan bạṛicʼakʼe ńam baṛaeyicʼ do acʼge ona paṛaoaea.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Genesis 39:23

Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Amos 5:6

Probhu Isor ṭhen calakʼpe enḍekhanpe bańcaokʼa; ar baṅkhan uni do seṅgel leka Josephren, metakʼme Israelren hoṛko talareye jol rakabokʼa. Ar seṅgel do onae joma ar Bethelren okoehõ ona do bako ĩṛĩcʼ daṛeakʼa.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Sereńko 97:10

Okoe Probhu Isorko dulạṛede onko do bedhoromko hirkhạwakʼ ma; ente uni do acʼ sekʼwawaekoe bańcaoetʼkoa ar bạṛicʼ hoṛkoakʼ ti khone rukhiyạyetʼkoa.