Amos 5:12 - সান্তালী বাইবেল

¹² Ińiń baḍaea apeakʼ behokʼakʼko do tinạkʼ ḍhertapea ar apeakʼ ghạṭko hõ tinạkʼ bạ̃ṛtitapea mente! Ape do dhorom hoṛpe santaoetʼkoa ar ghuspe jomeda; ar nagraha reakʼ phaṭok duạr ṭhen reṅgecʼ hoṛkoakʼ hok reakʼ do bape bicạretʼa.

Amos 5:12 Referans Kwoze

Amos 5:10

Okoe do nagraha reakʼ phaṭokre behokakʼ upạrteye teṅgonkan uni dope hirkhạwaekana ar okoe sạriyakʼ kathakoe roṛetʼkan uni dope nihạ̃t edekana.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

Jakob 5:6

Ape do dhorom hoṛkope dusi akatʼkoa arpe gocʼ akatʼkoa, ar onko do bako tạkicʼ daramletʼpea.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Amos 2:16

Lạṛhại birko talare okoe do joto khone dilan hoṛkan unihõ enhilokʼ do laṅṭakateye ńirjoṅa. Iń Probhu Isorge noa katha doń meneda.”

Rak̕joṅ 3:34

Dhạrtiren sanam bondiko doko jaṅga latar ocokʼkana,

Jirimiạ 29:23

ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”

Jesaea 66:18

Iń do onkoakʼ kạmi reakʼ sanam hudis bundiskoń baḍaegea. Sanam jạtrenko ar pạrsirenko do mitʼ ṭhen jarwako reakʼ okte do seṭer akana. Onko do hecʼkate ińakʼ mạhimako ńela.”

Jesaea 47:9

Menkhan gidrạko adokʼ se amem rạnḍikʼ noa banarge mitʼ dinte mitʼ ripitʼre amre hecʼ paṛaokʼa. Unre amakʼ mantarko ar guniko ḍhergetamre hõ onakin do purạtege amre paṛaokʼa.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Jesaea 29:21

Onko do eṛe kathate hoṛko dusikoa, nagraha reakʼ phaṭok duạrre okoe do bindusạnko secʼe tahenkan uni do pạsiko oḍaoae kana ar sạriyakʼreye tahenkan hoṛ do ạuṛiyakʼteko or ghańjeṛ edekana.

Jesaea 5:23

okoe do ghus jomkate dusiyicʼko aṛakʼede ar bin dusiyicʼ do hok reakʼ bako bicạretʼtae.

Kạhtukko 22:22

Mitʼṭen hoṛ doe nandange iạte uniyakʼ jinisko alom hataotaea, ar bicạrre harkhetokʼ hoṛ do alom maraoea.

Jobakʼ 31:21

bicạrre ińakʼ ektiạri menakʼ iạte ṭũạr amarko cetanre tiyiń rakapʼ akatʼtiń khan,

Rut reakʼ kạhini 4:1

Boas do phaṭok-duạr ṭhen senkateye duṛupʼena. Ar Boas okoe sor peṛa reakʼ kathae menletʼ unre uni do onkateye parom calakʼkan tahẽkana. Boas do uni hohoadeteye metadea, “E boeha, nonḍe hecʼkate duṛupʼlen me.” Unre uni hoṛ do onḍe senkateye duṛupʼena.

Dosar Biboron 31:21

Onko cetanre tinre ḍher duk-kosṭoko hijukʼa unre niạ sereńge onko upạrte goha lekae teṅgona, ente onkoren bõsko do noa sereń bako hiṛińa. Ente kiriạ akawatʼko gokʼakʼ disạmte idiko laharege iń doń baḍaea onkoakʼ ontore cetʼ menakʼa mente.”

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

Sereńko 127:5

Bhạgangeae uni hoṛ, okoe do acʼakʼ sarkote ṭhoṅgae perecʼakatʼtae; ar nagraha reakʼ phoṭok duạr ṭhen akoren bạiriko tulucʼ kathako phanḍaore onko do bako lajaokʼa.

Kạhtukko 17:8

Okoe hoṛ ghuse emokʼ uni ṭhen ona do guni reakʼ dhiri leka; uni jãhã secʼgeye beṅgetʼ ạcur ontege jo bahakʼkana.

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Hosea 5:3

Ephrayim reaṅ do jotogeń baḍaea; ar iń khon Israel do danaṅre bạnuiya. Ephrayim do ńitokʼe laṭghaṭetʼ kana; ar Israel doe bhonḍ akana.

Amos 2:3

Uniren raj doń marao giḍikaea ar uni sãote uniren sanam disạm cakʼlaoko hõń gocʼkoa.”

Amos 5:7

Ape do hok reakʼ bicạrpe haṛhatʼ ocoyetʼkana ar dhorom do otrepe lebda giḍikakʼkana.

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Exodus 23:3

Jãhãe reṅgecʼ hoṛakʼ bicạrre uniye reṅgecʼgete mamblare alom uni sejokʼa.

Exodus 23:6

“Jãhãe reṅgecʼ hoṛakʼ mamblare behok alom bicạra.

Jobakʼ 20:19

ente uni do nandankoe santaoletʼkoa are bạgiyatʼko tahẽkana, ar okaṭakʼ oṛakʼ-duạr acʼte bae benao akatʼ onae recʼ akawana.