Amos 5:11 - সান্তালী বাইবেল

¹¹ Ape do reṅgecʼ hoṛpe santaoetʼkoa ar jor julumkate onko ṭhen khon guhumpe ạdạiyetʼkana. Ape do dhiri reakʼ maraṅ maraṅ oṛakʼkope benaojoṅ kangea menkhan onare do bape girobas daṛeakʼa. Ape do mońj darkha bagwanpe benao joṅkangea enhõ ona reakʼ darkha rasa do bape ńũ ńama.

Amos 5:11 Referans Kwoze

Sephaniạ 1:13

Onkoakʼ dhon do luṭ idikʼtakoa ar onkoakʼ oṛakʼ-duạr hõ maraokʼtakoa. Onko do oṛakʼ-duạrko benaojoṅa menkhan onare do bako tahẽdaṛeakʼa; darkha bagwan hõko benaojoṅa menkhan darkha rasa do bako ńũ daṛeakʼa.”

Mikạ 6:15

Itạpe eragea menkhan phosol do bape getʼ rakapʼ daṛeakʼa; ape do jạitun jope lelena menkhan ona reakʼ sunum do bape beohar daṛeakʼa, ar darkha len katehõ ona reakʼ rasa hõ bape ńũ daṛeakʼa.

Dosar Biboron 28:30

“Okoeṭakʼ maejiu sãote baplakʼ lạgitʼem ṭhik dohoy uni tulucʼ do eṭakʼ herel hoṛe giticʼmidokʼa. Oṛakʼpe benao joṅgea menkhan onare bape tahẽ daṛeakʼa. Darkha bagwankope benaogea menkhan ona reakʼ jo do bape jom daṛeakʼa.

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Mikạ 2:2

Onko do ot-baṛge ar oṛakʼ duạr cetanreko lalockate onako rerecʼa. Onko do hoṛko ṭhokakoa ar oṛakʼ-duạr ar jaega-jumiko recʼkoa.

Amos 3:15

Iń do rabaṅ din oṛakʼ ar oṛakʼ banargeń rạpuda; ar hạti ḍaṭate kạmi akatʼ oṛakʼ do nosṭokʼa ar maraṅ maraṅ oṛakʼko do maraokʼa. Iń Probhu Isorge noa katha doń meneda.”

Jesaea 16:10

Joanakʼ bagwan khon hulạs ar rạskạ do sạṅgiń ocoakana. Darkha bagwanre do celege bako sereńa ar bako andoṛa, ar darkha lelen kunḍrehõ celege darkha rasa do bako lebetʼ roḍoja, ente ona reakʼ andoṛ do mokoń ocoakana.

Jeheskel 26:12

Onko do amakʼ dhon-durib ar amakʼ bạnij bepar reakʼ jinisko luṭ idiytama; ar amakʼ pạcri bhitko rạputʼ giḍikakʼa, mońj mońj oṛakʼ-duạrko marao giḍikakʼa ar amakʼ dhiri, kaṭ ar dhuṛi do jalapurireko giḍikakʼa.

Amos 2:6

Probhu Isore meneda, “Israelakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea. Uniren hoṛ do ṭaka poesa lạgitʼ dhorom hoṛko ar jaṅga reakʼ mitʼ joṛa panahe lạgitʼ reṅgecʼ hoṛko ạkhriń akatʼkoa.

Amos 3:9

Ape do Asdod ar Misor reakʼ sanam gaṛren hoṛko ṭhen roṛpe, “Ar Samariạ reakʼ buruko cetanre jarwakʼpe; ńelpe, ona talare tinạkʼ gulmal hoyokʼkana! Uniren hoṛko talare tinạkʼ santao hoyokʼkana!”

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Amos 6:11

Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Amos 8:4

Ape okoe do laṅgaṭkope lebetʼ gańjaoetʼko ar reṅgecʼ orecʼkope caba utạrletʼko, ape baṛe ańjompe.

Mikạ 1:6

Ona iạte Probhu Isore meneda, “Samariạ do khola ṭạnḍi reakʼ ḍipigeń hoeocoya, ar ona do darkha nạ̃ṛĩ rohoe reakʼ ṭhạ̃ige hoyokʼa. Ona reakʼ dhiriko do lodamreń giḍikakʼa ar ona reakʼ rehetʼ doń oṭakʼ dohokakʼa.

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Jobakʼ 20:19

ente uni do nandankoe santaoletʼkoa are bạgiyatʼko tahẽkana, ar okaṭakʼ oṛakʼ-duạr acʼte bae benao akatʼ onae recʼ akawana.

Jeheskel 34:21

Joto nijor bhiḍiko ạuripe laga ńirko hạbicʼ ape do hoṛmo ar tarenkote onkope ṭhelaoetʼkoa ar dereńtepe uṭicʼ pạsiretʼkoa.

Hosea 9:2

Inạ tayom khạrại ar darkha rasa lelenkunḍ reakʼ jaega do jomakʼ bako emokʼa; ar onko do nãwã darkha rasa hõ bako ńama.

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Amos 9:14

Bondi dosare menakʼko ińren hoṛ Israelkoń ruạṛ ạgukoa; onko do dhaṅdhaser akan nagraha arhõko benao aroea ar onakoreko tahena. Onko do darkha bagwanko benaojoṅa arko ńũiya; onko do bagwanko benaoa ar ona reakʼ joko joma.