Amos 5:1 - সান্তালী বাইবেল

¹ E Israelren hoṛko, ape reaṅ iń homor halaṅetʼkan ona baṛe ańjompe.

Amos 5:1 Referans Kwoze

Jeheskel 19:1

Probhu Isor do ińe metadińạ, “Am do Israelren disạm cakʼlaoyicʼ lạgitʼ homor halaṅme ar roṛme,

Jirimiạ 9:17

Phạdkoren Probhu Isore meneda, “Ma ńitokʼ do hudiskate ńelpe. Homor halaṅ maejiuko hoho ạgukope; okoe do rarakʼreko gạkhuṛge onko hoho ạguko lạgitʼ hoṛko kolkope.”

Jirimiạ 9:10

Buruko ńutumteń rakʼeda ar hahaṅkar reakʼ ạtiń ṭạnḍiko lạgitʼ doń homor halaṅeda. Ente onako do dhaṅdhaser akana, ar okoehõ onkate do bako paromokʼkana. Mĩhũ meromkoakʼ bhokraokʼ hõ baṅ ańjomokʼkana. Coṭren cẽṛẽ ar janwar doko dạṛ akada arko calao cabayena.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Mikạ 2:4

Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

Amos 5:16

Phạdkoren Probhu Isor doe meneda, “Nagraha reakʼ mitʼke mitʼ phaelao ṭhạ̃ire hoṛko homor halaṅa ar mitʼke mitʼ horre doko hae haeyokʼa. Hẽ, dukokʼkanko sãote homor halaṅ lạgitʼ cacasko hõko hoho ocokʼa.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Amos 3:1

E Israelren hoṛko, ape upạrte, metakʼme Probhu Isor okoe do Misor disạm khone oḍok ạgu akatʼko onko jạtren sanamko upạrte uni okae menakatʼ ona ańjompe:

Jeheskel 32:16

“ ‘Niạko sanam katha onko do Misor lạgitʼ duk sodorkateko sereńa. Eṭakʼ jạtkoren maejiuko hõko homor sereńa. Iń Probhu Isorge noa katha doń meneda.’ ”

Jeheskel 32:2

“E manwa hopon, Misorren raj Pharao babotre homor halaṅkate noam metaea, ‘am dom hudisetʼ tahẽkana jạtrenko modre mitʼṭen dhạcri kul kanam mente, menkhan am do tala gaḍaren mitʼṭen tayan kanam. Am do amakʼ gaḍaregem humtạgokʼkan tahẽkana, ar jaṅgate leoḍakate dakʼem boḍeyetʼ tahẽkana.

Jeheskel 28:12

“E manwa hopon, am do Turren raj lạgitʼ homor halaṅme, unim metaea, Probhu Isor do noa kathae meneda, ‘am do sạbit utạricʼ mohorte chapakanicʼ, ạkilte perecʼicʼ, ar ńelokʼte mońj utạricʼ kanam.

Jeheskel 27:2

“E Manwa hopon, Tur babotre homor halaṅme.

Jeheskel 26:17

Unre onko do am reaṅ homor halaṅkateko mena, ‘E namḍak nagraha, am do cetʼ lekam marao utạrena! Amren hoṛko do doreão cetanteko dãṛãn kan tahẽkan. Jalapurire am ar amren hoṛko do daṛeanko tahẽkana; Jalapuri aṛekore okoeko girobasokʼ kan tahẽkan onko do amko botoram kan tahẽkana.

Jeheskel 19:14

Ona reakʼ mul nạ̃ṛĩ khon seṅgel do oḍokena; ar ona reakʼ ḍạr ar jokoe jomkeda. Disạm cakʼlaokoakʼ ṭheṅga lạgitʼ onare mitʼṭecʼ ḍạr hõ baṅ tahelena. “Noa do mitʼṭecʼ homor halaṅ kana; duk reakʼ sereń lekate noa do beoharokʼa.”

Jirimiạ 9:20

Ńitokʼ do E Maejiuko, Probhu Isorakʼ katha ańjompe; uniyakʼ moca reakʼ katha ańjom lạgitʼ lutur jhijtape. Ar aperen hoponerako jare jarekʼ cetʼakope ar eṭakʼko do homor halaṅ reakʼ sereń cetʼakope.

Jirimiạ 9:9

Iń do cetʼ ona iạte bạń sạjạikoa? Nonkan jạtrenko cetanre ińge cetʼ bạń hala hạliya?”

Jirimiạ 18:13

Ona iạte Probhu Isore meneda, “Jạt jạtrenko talare ḍunḍhạukate ńelme, noa lahare nonkan katha do okoeye ańjomakada? Kũạri kuṛi Israel do mitʼṭecʼ hirkhạwakʼe kạmiakada.

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”