Amos 4:11 - সান্তালী বাইবেল

¹¹ Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Amos 4:11 Referans Kwoze

Sakariạ 3:2

Probhu Isor do Soetane metadea, “E Soetan, Probhu Isor do ame tạkicʼ daram mema. Jerusalem okoeye bachao akawan uni do ame tạkicʼ daram mema. Nui hoṛ do cetʼ seṅgel khon or oḍok akatʼ ṭhuṭkutʼ doe baṅkana?”

Jesaea 13:19

Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jihudạwakʼ ciṭhi 1:23

Ar adomko do seṅgel khon ạtkir oḍokkate bańcaokope. Jel reakʼ sanate okoeyakʼ jion mạilạ akantako onkoakʼ besapha kicricʼko hõ hirkhạwakʼpe ar apnar sontor akae tahente onko mãyãwakope.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Amos 4:6

“Iń do arhõń menetʼkana, mimitʼ nagrahare reṅgecʼteń dohoketʼpea ar mimitʼ atorenko do piṭhạ reakʼ ṭonṭateń dohoketʼkoa; enhõ ape do iń ṭhen bape ruạṛlena.

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

1 Korinthiko 3:15

ar ona kạmiyakʼ atar giḍilentae khan enḍekhan uni do lokshan hoyokʼtaea. Acʼtetʼ doe bańcaokʼa, menkhan uniyakʼ dosa do nonkan hoṛleka hoyokʼtaea one okoe do seṅgel talateye parom hecʼakan.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jirimiạ 49:18

Iń Probhu Isorge noa katha doń meneda, aḍepase atoko sudhạ cetʼ leka Sodom ar Gomorań ḍahao maraoletʼ onkage Edomre hõ celege bako girobasokʼa; onare cele manwage bako tahena.

Romiko lạgitʼ Pạul Apostolakʼ ciṭhi 9:29

Jesaea do arhõe roṛleda, “Sanam daṛeanicʼ Probhu Isor do bõsko aloe sarecʼ abon khan enḍekhan Sodom ar Gomora nagraha leka bon hoykokʼa.”

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Dosar Biboron 28:24

Probhugeye nonkaea jemon apeakʼ disạmre dakʼ bodolte serma khon dhuṛi ar gitilge ńurokʼa. Ar ạuripe caba utạrokʼ hạbicʼ ape cetanre onako ńurokʼa.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 50:40

Ar beṛhaeteakʼ atoko sudhạ cetʼ leka Sodom ar Gomorań ḍahao maraoletʼ, onkage onḍe do celege bako girobasokʼa; ar onare cele manwage bako tahena. Iń Probhu Isorge noa katha doń meneda.

Hosea 11:5

Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa.

Hagae 2:17

Apeakʼ tite upcạuakʼ phosol do copate, jhãorate ar arelteń ńẽtʼletʼtapea menkhan enhõ iń secʼ do bape ruạṛlena.