Amos 4:10 - সান্তালী বাইবেল

¹⁰ Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Amos 4:10 Referans Kwoze

Dosar Biboron 28:60

Misor disạmre okako rog bighin ńelte botor caṛhaoatʼpe tahẽkan, onkan rogkoge ape cetanreye paṛao ocoya ar onako khon do bape sahaṛ daṛeakʼa.

Joel 2:20

“Utạr secʼ khon hijukʼkan lạṛhại phạdko do ape ṭhen khoniń sạṅgiń giḍikakoa; khaṅgoṭ ar jarkhar akan hahaṅkar jaega secʼ iń laga ńirkoa. Onko samaṅ secʼrenko do purub jalapurire ar onko tayom secʼrenko do pạchim jalapuriteń lagakoa. Onkoakʼ bạṛicʼ so do cetante rakapʼa ar seage so oḍokokʼa, ente onkoakʼ kạmi do bạḍạite perecʼge takoa.”

2 Rapajko 13:7

Mõṛẽgel aswariko, gel goṭecʼ rãt gạḍi ar gel hajar palṭonko chaḍa Jehoahasren lạṛhại phạdren do ar celege bako tahẽkana, ente Aramren raj do sarecʼ sanamkoe marao giḍi utạrletʼkoa. Uni do ot lekage jaṅgateye lebetʼ gańjaoletʼkoa.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Dosar Biboron 7:15

Probhu Isor do sanam lekan rog bighin khone rukhiyạpea. Misorre oka botoranakʼ rog bighinkope ńelakatʼ onako ape cetanre bae paṛao ocoya, menkhan okoe apeko kurudape onko cetanre uni do noakoe paṛao ocoya.

Amos 8:3

Enhilokʼ mundil reakʼ sereńko do jare jare hoyokʼa, ar ‘mạ̃ṛĩko do aemage hoyokʼa; ar onako do hape hapete goṭa ṭạnḍi giḍi akan tahena.’ ”

Amos 4:6

“Iń do arhõń menetʼkana, mimitʼ nagrahare reṅgecʼteń dohoketʼpea ar mimitʼ atorenko do piṭhạ reakʼ ṭonṭateń dohoketʼkoa; enhõ ape do iń ṭhen bape ruạṛlena.

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jirimiạ 11:22

Iń phạdkoren Probhu Isorgeń meneda, iń do onkoń sạjạikoa. Onkoren juạnko do lạṛhạire ar onkoren gidrạko do akalteko gujukʼa.

2 Rapajko 13:3

Ona iạte Probhu Isor do Israel upạrte pit caṛhaoentaea; ar uni do Aramren raj Hasael ar uniren hopon Benhadadakʼ tire ghane ghạṛicʼe soprotetʼko tahẽkana.

Dosar Biboron 28:22

Probhu Isor do raj rogte, ruạkote, jaljalaokʼ ruạte, ṭan paṅgla ruạte, dakʼ ṭan ar phosol copakʼ ar jhãorãkʼ rogkoteye ńẽtʼpea; ar ạuripe marao cabakʼ hạbicʼe khudạu baṛapea.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Exodus 8:19

Noa ńelte gonokko do Pharaoko metadea, “Noare do Isorakʼ ti menakʼa.” Menkhan enhõ Pharaoakʼ mon do keṭecʼge tahẽyena; uni do Mose ar Aronakʼ katha bae luturada. Probhu Isor okae menletʼ onkage hoyena.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Jirimiạ 15:3

Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jirimiạ 9:22

Probhu Isorge noa katha do memene metadińạ, “Hoṛkoakʼ mạ̃ṛĩ do gur akan tahena guricʼ leka; irokʼicʼ tayomre binḍạko leka, okoehõ ona do bako jarwaea.”

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

2 Rapajko 10:32

Ar Probhu Isor do onako okte khon Israel disạm reakʼ simạnakoe huḍiń idikeda. Ar Hasael do Israelkoakʼ disạm reakʼ jordan gaḍa purub secʼakʼ sanam jaegare onkoe bhagaoketʼkoa. Onako jaega do hoyokʼkana Arnon soḍokʼ aṛe reakʼ Aroer hạbicʼ sanam Gilead ar Bason disạm. Noa do tahẽkana Gad, Ruben ar Manase ṭoṭhako.

2 Rapajko 8:12

Hosael do uniye kulikedea, “E ińren mạlik cedakʼem rakʼeda?” Elisaeye roṛ ruạṛkeda, “Ente iń doń baḍaegea Israelkoakʼ cetʼkom loksantakoa mente. Am do onkoakʼ gaṛkore seṅgelem jeretʼakʼa, ar tarwaṛete onkoren juạnkom gocʼkoa, onkoren kạṭicʼ gidrạ do otrem tawakʼ gocʼkoa ar onkoren bhạrti hoṛmowan maejiukoakʼ lacʼ dom getʼ cirạitakoa.”

Exodus 15:26

Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”

Exodus 14:4

Ar iń do Pharaoakʼ moniń keṭecʼ ocoytaea ar uni do onkoe khudạu idikoa. Menkhan Pharao ar uniren lạṛhại phạdkoge ińakʼ ṭhonok sodorokʼren hoṛko hoyokʼa. Ar noa iạte Misorrenko baḍae daṛeakʼa, iń kangeạń Probhu Isor do.” Ar Israelko do Probhu Isorakʼ katha lekako kạmikeda.

Exodus 10:27

Menkhan Probhu Isor do Pharao rajakʼ mone keṭecʼketʼtaea ar onko sen ocoako bae rebenlena.

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 9:17

Am do ńitʼ hõ ińren hoṛko upạrtem teṅgo akana ar bam sen ocoako kana.

Exodus 9:12

Menkhan Probhu Isor do Pharaoakʼ mon artetʼgeye keṭecʼ ocoketʼtaea. Onate Probhu Isor okae menletʼ onkage hoyena. Mose ar Aronakʼ katha Pharao do bae luturada.

Dosar Biboron 28:21

Okaṭakʼ disạmpe dokhol lạgidokʼkan Probhu Isor do onḍe nonkae hoeocoya jemon ape talare mahamạriko paṛaokʼte sesre disạm khonpe caba utạrokʼa.

Jesaea 9:17

Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 34:3

Onkoren gocʼ hoṛko do bahreteye capatʼ giḍikakoa. Onkoakʼ mạ̃ṛĩko reakʼ sea sĩṛĩcʼ so do ghãṛã ghạ̃ṛĩ rakabokʼa ar onkoakʼ mãyãmte buru-boṭkocʼ do ạrupʼ pheḍokʼa.

Jesaea 50:11

Menkhan ape okoe do seṅgelpe lagaoetʼ ar chechape dugur duguretʼ, ape sanamkoge apeakʼ seṅgel reakʼ marsal ar mosal reakʼ marsalte calakʼpe. Ińakʼ ti khon do, harkhet sasetre giticʼ kunḍlạṅokʼge hoyapea.

Jirimiạ 49:26

Iń phạdkoren Probhu Isorgeń meneda, uniren juạnko do khạṭige nagraha reakʼ kulhikore ar dobạṭiạkoreko gujukʼa; enhilokʼ uniren sanam lạṛhại phạdko doko marao utạrokʼa.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Hosea 11:5

Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa.

Hagae 2:17

Apeakʼ tite upcạuakʼ phosol do copate, jhãorate ar arelteń ńẽtʼletʼtapea menkhan enhõ iń secʼ do bape ruạṛlena.