Amos 3:6 - সান্তালী বাইবেল

⁶ Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Amos 3:6 Referans Kwoze

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Sephaniạ 1:16

Ona do pạcrite esetʼ joto nagrahako upạrte ar konac reakʼ sanam khon usul pahra oṛakʼ upạrte sakwa reakʼ saḍe ar lạṛhại reakʼ hoho dinge hoyokʼa.

2 Korinthiko 5:11

Probhu Isor bon botoraekante abo do apnar reaṅ manwakoakʼ monre biswạs janam ocoy lạgitʼ bon kurumuṭuyeda. Ar abo bon oka lekanko kan, ona do Probhu Isor ṭhen sodorgea ar asiń dohoya apeakʼ bibek ṭhen hõ ona do pusṭạugea.

Genesis 50:20

Ape do ińre bạṛicʼpe hudisleda, menkhan Isor do ona talate bhạlại reakʼe monsubạ akada jemon ḍher hoṛakʼ jiwi rukhyiạkʼtako; ar teheń do onage hoyakana.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Jirimiạ 4:5

“Jihudạ ar Jerusalemre lại jạhirpe, ‘ar goṭa disạmre sakwa oroṅpe.’ Ar ãṭ aṛaṅte hohoate roṛpe, ‘samṭao jarwakʼpe. Dela, abo do gaṛ nagrahakote bon bolokʼ ma.’

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Jeheskel 33:3

ar uni do ona disạm upạrte tarwaṛe hijukʼkan ńelte hoṛko sontorko lạgitʼ sakwae oroṅ,

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Hosea 5:8

“Ape do Gibiạre siṅgạ ar Ramare do pẽpṛẽtʼpe oroṅeda. Ar Beth-Abnere do hohoatepe meneda, ‘E Benjamin, lạṛhại baṛe ạyur bonme.’

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Amos 3:5

Jhampare jãhãn laoṭa bae tahelen khan cẽṛẽ do cetʼ jhampa ṭhene hijukʼgea? Jãhãnicʼ bae siṭạpʼlen khan siṭạpʼ do cetʼ phetʼ rakabokʼgea?

Sakariạ 8:10

Ona kạmi ạuri ehopʼre manwako reakʼ kuṛạige baṅ tahẽkana ar janwarakʼ hõ bhaṛa bako em daṛeakʼkan tahẽkana. Bạiri iạte celege khạtirjoma bako dãṛãnkan tahẽkana ente ińge mimitʼko do ako aḍepaseren hoṛko upạrteń uskurletʼkoa.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”