Amos 3:10 - সান্তালী বাইবেল

^10-11 Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”

Amos 3:10 Referans Kwoze

Sephaniạ 1:9

Okoe do duạr reakʼ ganaḍe donateko paromokʼkan ar santao ar phạsiạra hotete akoren debotawakʼ oṛakʼko perecʼetʼkan onko do enhilokʼgeń sạjạikoa”

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Sereńko 14:4

Bạṛicʼakʼko kạmikanko do cetʼ nunạkʼgeko bebujgea? Hoṛko cetʼleka jomakʼko jometʼkan onkage onko do ińren hoṛko jometʼkoa; onko do Probhu Isor hõ bako hohoae kana.

2 Patras 3:5

Noko hoṛ do dikhitegeko hiṛińeda baṅma, sedaere Isorakʼ kathatege serma do sirjạulena ar dakʼte ar dakʼ khonge dhạrti hõ sirjạulena mente.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Amos 5:7

Ape do hok reakʼ bicạrpe haṛhatʼ ocoyetʼkana ar dhorom do otrepe lebda giḍikakʼkana.

Jirimiạ 5:4

Iń doń hudisleda, “Onko do nacar arko lelhagea, ente onko do Probhu Isorakʼ hor ar akoren Isorakʼ ạn-ạri bako baḍaea.

Jeheskel 8:17

Uni do ińe metadińạ, “E manwa hopon, am do cetʼ noam ńelkeda? Onḍe Jihudạren hoṛko oka bạṛicʼakʼko kạmiakatʼ onako do cetat reakʼ hõ baṅkana? Onko do santao iạte disạmko perecʼ akada ar ińakʼ pitko caṛhao ocoakatʼtińạ. Ńelme, onko do cetʼ lekako henosta akadińạ.

Jeheskel 18:7

ar okoehõ bae santaoetʼko bickom rin akatʼ hoṛ do bondhoke ruạṛkatae kan, ar bae kombṛoyetʼkan, menkhan reṅgecʼ hoṛko jomakʼe emakokan ar laṅgaṭkoe kicricʼetʼko,

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Amos 6:3

Ape dope hudisetʼkana, muhin reakʼ din dope sạṅgiń giḍiakada, menkhan ape do jobor jạsti reakʼ rajosṭipe calaoeda.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Mikạ 6:10

Bedhorom hoṛkoakʼ oṛakʼre bedhoromte ńamakʼ dhon ar ṭhokako reakʼ sosoṅakʼ doń hirkhạwakʼ kana.

Jobakʼ 20:21

Jom leka do cetʼge sarecʼ baṅ tahentaea; uniyakʼ kisạ̃ṛtetʼ do ar baṅ ṭambhaokʼtaea.

Kạhtukko 1:13

enḍekhan damanakʼ jinisko bon ńamjoṅa, ar luṭakʼ jiniskote aboakʼ oṛakʼ duạr bon perejtabona.

Kạhtukko 11:16

Mońje beoharetʼkan maejiu do manote hameṭ joṅa, ar santaokan hoṛ do dhone hạrjoṅa.

Kạhtukko 28:5

Bạṛicʼ hoṛko do hok bicạr reaṅ bako bujhạua, menkhan okoe Probhu Isorakʼ sana lekako calakʼkan onko do boge bạṛicʼ bujhạu reakʼ daṛeko ńama.

Sosolhayic̕ 4:1

Siń cando latarre oka santaoko hoyokʼkan ona secʼ mitʼ dhao beṅgetʼkateń ńelkeda santao ocokʼko doko rakʼeda, menkhan onko jiwi raṛecʼ emako lạgitʼ do celege bạnukʼkoa. Sasantaoko ṭhen do ektiạri menakʼa, menkhan santao ocokʼko jiwi raṛecʼ emako lạgitʼ do celege bạnukʼkoa.

Hosea 7:1

Ińren hoṛkoakʼ dosa tinre ạcur ruạṛtakoń mena, ar tinre Israel bogeye reakʼ iń khoja, unrege Ephrayimakʼ kại do ńelokʼkantaea ar Samariạwakʼ do behokakʼko sodorokʼkana. Onko doko ekʼṛegea, oṛakʼre kombṛo doe bolokʼkana ar ḍạkuko do bahrereko luṭjoṅ kana;

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”