Amos 2:11 - সান্তালী বাইবেল

¹¹ E Israelren hoṛko, noa do cetʼ sạri katha baṅkana, one aperen hoponko mod khon adom do nạbiko ar adom do nasriạkoń bachaoan tahẽkana mente?

Amos 2:11 Referans Kwoze

Jirimiạ 7:25

Aperen hapṛamko Misor disạmko bạgiyatʼ tayom khon teheń hạbicʼ dinke din ape ṭhen ińren gutiko, metakʼme nạbikoń kolletʼkoa.

Mikạ 2:6

Aperen nạbiko do aleko metalekana, “Noako katha do alope mena, ar niạko reaṅ jãhãn katha hõ alope roṛa, ente ale cetanre opoman do baṅ hijukʼa.”

Rak̕joṅ 4:7

Onkoren bachao akan mukhiyạko do him khon hõ marsal, toa khon hõ ponḍgeko tahẽkana; onkoakʼ hoṛmo do Probal dhiri khon hõ arakʼge tahẽkana ar onkoakʼ cehra do Nilkanto moni leka tahẽkana.

Jirimiạ 26:11

Unre naekeko, nạbiko, rajkạmiyạko ar sanam hoṛko menkeda, “Nui hoṛ do gujukʼ sạjại ńam lek kanae, ente uni do noa nagraha upạrteye nạbi akada; ar ona do apeakʼ luturtegepe ańjomakada.”

Jirimiạ 11:21

Ona iạte Probhu Isor do Anathotren hoṛko reaṅe meneda, “Okoe amakʼ jiwiko sendra baṛayetʼ arko menetʼ, ‘Probhu Isor ńutumte nạbi lekate katha do alope mena, arpe roṛle khan aleakʼ tirepe gujukʼa.’

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 2:5

Probhu Isore meneda, “Aperen hapṛamko do cetʼ ińakʼ dosko ńamletʼa, ar onate iń khonko sạṅgińlena? Onko do ạuṛiyakʼren boṅgako pańjaketʼkote apnartetʼ hõko ạuṛiyakʼena.

2 Bõsbudạ 36:15

Israelkoren hapṛamkoren Probhu Isor do ghane ghane hoṛ kolkate onkoe sontoretʼko tahẽkana, ente uni do acʼren hoṛko ar acʼakʼ tahen oṛakʼ cetanre daya tahẽkantaea.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

2 Rapajko 6:1

Mitʼdin cela-nạbiko do Elisaeko metadea, “Ńelme, oka jaegare am sãote duṛupʼkatele galmarao ona jaega abo lạgitʼ do huḍińgea.

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

1 Rapajko 20:41

Unre uni nạbi do usạra mẽtʼhãe ńel ocoyente bohokʼ khon kicricʼe ocokʼkeda ar Israelren raj do nạbiko modren mitʼhoṛ kanae menteye oromkedea.

1 Rapajko 20:35

Probhu Isorakʼ hukumte cela-nạbiko modren mitʼ hoṛ do acʼren sãotenicʼe metadea, “Dayakate daleńme baṛe.” Menkhan uni hoṛ do bae rạjilena.

1 Rapajko 20:13

Inạ okte Israelren Ahab raj ṭhen mitʼṭen nạbi hoṛ do hecʼkate niạ kathae lạikeda, “Probhu Isore meneda, ‘am do cetʼ onko maraṅ lạṛhại phạdkom ńeletʼko kangea? Iń do teheńge amakʼ tire onkoń jimạkoa ar onatem baḍae daṛeakʼa, iń kangeạń Probhu Isor do.’ ”

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.

1 Rapajko 18:4

Isebel do tinre Probhu Isorren nạbikoe gocʼetʼko tahẽkana unre Obediạ do mitʼsae nạbiko mõṛẽgel mõṛẽgelkate barea danderreye oko doholetʼkoa. Uni do onko lạgitʼ jomakʼ ar dakʼ hõe bebostayetʼ tahẽkana.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

1 Samuel 19:20

Niạ katha ańjomkate uni do Dạud sapʼ ạguiye lạgitʼ hoṛkoe kolketʼkoa. Onko hoṛ do senkateko ńelkeda mitʼ dol nạbi do Sạmuel tabere tahẽkate Isorakʼ kathako lạlạikana. Unre Sạulren hoṛko cetanre hõ Isorren jiue hecʼena ar onko hõ nạbi lekate Isorakʼ katha lạlạiko ehopʼen.

1 Samuel 3:20

Onate Dan ṭoṭha khon Berseba hạbicʼ sanam Israelko doko baḍaekeda, Samuel do Probhu Isorren mitʼṭen nạbiye hoyakana.

Dosar Biboron 18:18

Iń do onkoren Israel boehako tala khon onko lạgitʼ am leka mitʼṭen nạbiyiń teṅgo akoa. Ar uniyakʼ mocatege ińakʼ kathakoń roṛa, ar iń oka lạlạiyiń hukumae onage uni doe roṛa.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Aposkạmi 4:18

Noa tayom Patras ar Johan do arhõ bhitriteko hohowatʼkinte noako hukumatʼkinạ jemon unkin do Jisu reaṅ ar cetʼge alokin lạiyako se alokin cetʼako.