Amos 1:8 - সান্তালী বাইবেল

⁸ Iń do Asdosren hoṛkoakʼ ar Askelonre okoeṭakʼ hoṛ raj ṭheṅgae sapʼakatʼ uniń marao utạrea. Iń do Ekron upạrte ińakʼ tiyiń tiyạrtińạ, onate Philisṭiren sarecʼ hoṛ doko gujukʼa.”

Amos 1:8 Referans Kwoze

Jeheskel 25:16

Ona iạte iń Probhu Isorgeń menetʼkana, ‘Philisṭiko upạrte ińakʼ tiyiń tiyạrtińạ; ar Kerethikoń marao cabakoa ar jalapuri aṛeren sarecʼ hoṛko hõń maraokoa.

Sakariạ 9:6

Mesal jạtren bõsko do Asdodreko girobasokʼa. Probhu Isore meneda, “Philisṭikoakʼ bạḍại doń maraotakoa.

Jesaea 20:1

Ạsurren raj Sargon do acʼren maraṅ subedar oka bochor Asdodteye kollede uni subedar do senkate ona upạrteye lạṛhạiyente onae hatkeda.

Sereńko 81:14

enḍekhan iń do onkoren bạirikoń kobojkekoa, ar onkoren bạiriko upạrte ińakʼ tiyiń rakapʼkea.

2 Bõsbudạ 26:6

Uni do Philisṭiko upạrteye lạṛhạiyena ar Gat, Jabne, ar Asdod reakʼ bhitkoe rạputʼ giḍikada. Ona tayom uni do Asdod ṭoṭhare ar Philisṭikoakʼ judạ judạ jaegare pạcrite esetʼ adomakʼ atoko arhõe benao rakapʼkeda.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Amos 3:9

Ape do Asdod ar Misor reakʼ sanam gaṛren hoṛko ṭhen roṛpe, “Ar Samariạ reakʼ buruko cetanre jarwakʼpe; ńelpe, ona talare tinạkʼ gulmal hoyokʼkana! Uniren hoṛko talare tinạkʼ santao hoyokʼkana!”

Jesaea 1:25

Am upạrte ińakʼ tiyiń rakab tińạ. Ar amakʼ mạilạ do kharteń oḍok giḍikakʼa ar amakʼ sanam bhejal doń sạṅgiń giḍikakʼa.

Jirimiạ 47:1

Pharao do Gasa ạuriye akromonre Philisṭiko babotre Probhu Isorakʼ noa katha do Jirimiạ nạbi ṭhen sodorena,

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Amos 1:7

Ona iạte iń do Gasa reakʼ pạcri bhit upạrte seṅgeliń kola; ona do uniyakʼ gaṛkoe jomtaea.

Obodiạ 1:18

Jakobakʼ bõsren doko hoyokʼa seṅgel ar Josephakʼ bõsrenko do seṅgel reakʼ lepʼge; Esao bõsrenko do lanḍha lekako hoyokʼa ar ona seṅgel do onakoe lo torocʼkoa. Esao bõsren do celege jiwetʼ bako tahena. Iń Probhu Isorge noa katha doń meneda.”

Sakariạ 9:5

Askilan do ona ńelteye botorokʼa, Gasa do hasoteye thakaokʼa ar Ekronakʼ dosa hõ onage hoyokʼa, ente uniyakʼ as do baṅ puruạukʼtaea. Gasa do acʼren raje adea ar Askelonre do celege bako tahena.

1 Samuel 6:17

Probhu ńutumte dos-samaṅokʼakʼ lekate Philisṭiko do okako nagrahako khon mitʼṭecʼkate sona reakʼ ojoko kolletʼ tahẽkan onako do hoyokʼ kana Asdod, Gasa, Askilon, Gad ar Ekron.