Amos 1:14 - সান্তালী বাইবেল

¹⁴ Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Amos 1:14 Referans Kwoze

Amos 2:2

Onatege iń do Moab upạrte seṅgeliń kola; ona do Keriot reakʼ gaṛkoe joma. Lạṛhại reakʼ hoho ar sakwa saḍe reakʼ gulmal talare Moab doe gujukʼa.

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

2 Samuel 12:26

Joab do Amonrenkoakʼ raj nagraha Rabare jhãpe emketʼte onae hatkeda.

Sakariạ 7:14

Iń do bin oprom jạtrenko talareń pasnaoletʼkoa. Inạ tayom onkoakʼ disạm do nonka khaṅgoṭakʼ hoylena, onḍe do celege bako senokʼkan tahẽkana. Nonkate ona mońj disạm do ujạṛ utạrakʼko hoyocoleda.”

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Jeheskel 25:5

Rabba nagraha do ũṭkoakʼ ạtiń ṭạnḍiń hoeocoya ar Amon disạm do bhiḍikoakʼ jirạukʼ reakʼ ṭhạ̃ige. Unre ape dope baḍae daṛeakʼa, iń kangeạń Probhu Isor do.

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Sereńko 83:15

onkage amakʼ birbão hoete onko khudạukom; ar amakʼ birbão hoete heṛan botor rakapʼ ocoytakome.

Jobakʼ 39:25

Sakwa reakʼ saḍe soṅge soṅgete uni do muteye saḍeyeda; ar sạṅgiń khon lạṛhại reakʼ base ńametʼ kana uni do subedarkoakʼ hạnḍrạu ar lạṛhại reakʼ saḍegeye ańjomeda.

2 Samuel 11:1

Bochor reakʼ etohopʼ kana, ar rapajko do lạṛhại lạgitʼko oḍok calakʼa. Un jokhecʼ Dạud hõ lạṛhại lạgitʼ Joab ar uniren eṭakʼ subedarko ar Israelren lạṛhại phạdkoe kolketʼkoa. Onko do Amonrenkoko jarkharketʼkote Raba nagrahako gheraokeda. Menkhan Dạud do Jerusalemregeye tahẽyena.

1 Bõsbudạ 20:1

Hoe lolo din rapajko do lạṛhại lạgitʼ tinreko oḍokokʼkan tahẽkana unre Joab do lạṛhại phạdanteye oḍok calaoena. Uni do Amonkoakʼ disạme jarkharketʼte Rabate senkate onae gheraokeda. Menkhan Dạud acʼ do Jerusalemregeye tahẽyena. Ar Joab do Rabae akromonketʼte onae jarkharkeda.

Jirimiạ 23:19

Ńelpe, ińakʼ edre do birbão hoe leka ar dusṭạmikoakʼ bohokʼ cetanre do hoe bharḍo leka ạcurokʼkana.

Jeheskel 21:20

Tarwaṛe lạgitʼ Amonrenko do Raba nagraha upạrte calakʼ reakʼ mitʼṭen hor ar Jihudạ ar pạcrite esetʼ nagraha upạrte calakʼ lạgitʼ horre mitʼṭecʼ cinhạ dohoyme,

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.

Jeheskel 25:7

Ona iạte ape upạrte iń do ińakʼ tiyiń tiyạrtińạ ar luṭakʼ mal lekate eṭakʼ jạtrenkoakʼ tireń soprotpea. Eṭakʼ jạtrenko ar disạm tala khoniń hese giḍikapea ariń marao utạrpea. Ar onatepe baḍae daṛeakʼa, iń kangeạń Probhu Isor do.’ ”

2 Samuel 12:31

Uni do nagraharen hoṛkoe oḍok idiketʼkoa ar ạri, mẽṛhẽtʼ, kuḍi ar ṭeṅgocʼkoteye kạmi ocoketʼkoa. Uni do iṭạ bhaṭare kạmireye lagaoketʼkoa. Amonrenkoakʼ sanam nagrahare uni do onkageye kạmi ocokeda. Inạ tayom Dạud do acʼren lạṛhại phạdkoante Jerusalemteye ruạṛ hecʼena.

Jeheskel 21:25

“E besonot ar Israelren dusṭạmi raj, amakʼ din do seṭer akana, amakʼ sạjại reakʼ okte do seṭer akana.