3 Johan 1:10 - সান্তালী বাইবেল

¹⁰ Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale upạrte hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

Santali Common Language New Testament

¹⁰ Onate uni okaṭakʼe cekayetʼ ona do iń hecʼ tayom sanamkoń baḍae ocokoa. Uni do ale birudre hiskạte aema eṛe kathae roṛakada. Onate hõ bae suklente boehako hõ bae ataṅetʼkoa ar okoe onkoko ataṅetʼko onko hõe tạkicʼ darametʼkoa ar manḍer khone oḍoketʼkoa.

3 Johan 1:10 Referans Kwoze

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Kạhtukko 10:10

Mẽtʼ ripitʼicʼ hoṛ doe haso ocokʼa; ar bok bokaokʼkan bebuj hoṛ doe bạṛijokʼa.

2 Korinthiko 13:2

Dosar dhao ape ṭheniń tahẽkanre okoe lahateko kại akatʼ onko ar eṭakʼko joto doń sontor akatʼko tahẽkana. Ar ńitokʼ hạjir bạnuńre hõ arhõń sontoretʼpe kana, iń do arhoń hijukʼre okoe hõ bạń mãyãwakoa,

Luk 6:22

Bhạgangeape, Manwa Hopon iạte hoṛko hirkhạwapere, ar somaj khonko oḍoklepere arko landa dhutʼapere ar apeakʼ ńutum ańjomteko tholere.

Kạhtukko 10:8

Okoeyakʼ ontorre ạkil menakʼ uni do hukume bataoa, menkhan bok bokaokʼkan bebuj hoṛ doe maraokʼa.

3 Johan 1:5

Dulạṛiạ gate, am do begor oromte hõ biswạsi boehako lạgitʼ okaṭakʼem cekayetʼ ona do pạtiạrtegem onkayeda.

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Aposkạmi 1:15

Onako dinre Patras do Mạsire pạtiạu akan mitʼ sae bargel hoṛko talare teṅgokateye menkeda,

Galathiko lạgitʼ Pạul Apostolakʼ ciṭhi 6:10

Ạt bon ńamle khan sanamko lạgitʼ bhageakʼ bon kạmima, bạ̃ṛtikaete Isorren gharońjren hoṛko bhạlạiko lạgitʼ jemon bon kạmi.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

2 Johan 1:10

Ar jãhãe hoṛ ape ṭhen hecʼkate ona sikhnạt bae emokʼ enḍekhan apeakʼ oṛakʼre uni do alope ataṅ daramea ar johar hõ alope joharaea.

2 Johan 1:12

Ape olape lạgitʼ ińakʼ aema katha menakʼre hõ enhõ kagoc ar kạlite olape do bạń menjoṅ kana. Ona khon bickom ape ṭhen senkate mocate galmarao reakʼ iń asokʼ kana, jemon aboakʼ rạskạ purạukʼ tabon.

3 Johan 1:3

Iń do ạḍitetʼ iń rạskạyena ente adom biswạsi boehako hecʼkate am reaṅ noa gohako emkeda je, am do Isorakʼ sạriyakʼre pạtiạr menama ar ona lekam taṛameda.