2 Samuel 9:13 - সান্তালী বাইবেল

¹³ Ar Mephiboset do Rajakʼ ṭebilreye jom ńũiyetʼ tahẽkante Jerusalemreye tahenkan tahẽkana. Uni do banar jaṅgage leḍha tahẽkantaea.

2 Samuel 9:13 Referans Kwoze

2 Samuel 9:7

Dạud do uniye metadea, “Alom botorokʼa. Iń do amren ạpum Jonathan khạtirte khạṭige dayań udukʼama. Amren goṛomme haṛam Sạulakʼ sanamakʼ jaega jumiń ruạṛama, ar am do jao ghuṛi ińakʼ ṭebilrem jom ńũiya.”

2 Samuel 9:3

Raj doe kuliyana, “Sạulakʼ gharońjkoren cetʼ jãhãe jiwetʼ menakʼkoa one onko cetanre dayań udukʼ daṛeke?” Siba do roṛ ruạṛketʼte raje metadea, “Jonathanren mitʼṭen hopon ńitʼ hõ jiwetʼ menaegea, ar uni do banar jaṅga leḍhagetaea.”

2 Samuel 9:12

Mika ńutuman Mephibosetren mitʼṭen huḍiń koṛa gidrại tahẽkana; ar Sibakʼ gharońjren sanamkoge Mephibosetren gutiko tahẽkana.

Jirimiạ 52:33

Jehoyakin do jel khana reakʼ kicricʼe bocʼkeda ar jion reakʼ sarecʼ dinko do raj sãote jom ńũkateye paromkeda.

2 Samuel 4:4

Sạulren hopon Jonathanren do mitʼṭen hopone tahẽkana. Uni do leḍhageye tahẽkana. Jisreyel khon tinre Sạul ar Jonathanakʼ gujukʼ khobor hecʼena unre uniyakʼ umer do mõṛẽ bochor tahẽkana. Ona khobor ańjomkate gidrạren dhại buḍhi do uni hoborkate usạrateye dạṛetʼkan tahẽkan jokhecʼ gidrại giḍiledete uniyakʼ jaṅga do leḍhayentaea. Ar uni gidrạwakʼ ńutum do Mephiboset tahẽkana.

2 Samuel 19:27

Uni do ińren mạlik maharaj ṭhen ińakʼe durnam akada. Ińren mạlik maharaj do Isorren mitʼṭen goḍet leka kanae; onate am kusiyakʼ lekage baṛe ińre kạmime.